മൂന്ന് പഞ്ചായത്തുകളിൽ യു.ഡി.എഫ് മൂന്നാം സ്ഥാനത്ത്
കോങ്ങാട്: നിയമസഭ മണ്ഡലത്തിൽ മൂന്ന് പഞ്ചായത്തുകളിൽ യു.ഡി.എഫ് സ്ഥാനാർഥി യു.സി. രാമൻ മൂന്നാം സ്ഥാനത്ത്. പറളി, മണ്ണൂർ, കേരളശ്ശേരി പഞ്ചായത്തുകളിൽ ബി.ജെ.പി.യുടെ എം. സുരേഷ് ബാബുവാണ് രണ്ടാം സ്ഥാനത്തെത്തിയത്. പറളിയിൽ യു.ഡി.എഫിന് 3913 ഉം ബി.ജെ.പി.ക്ക് 7123 ഉം മണ്ണൂരിൽ യു.ഡി.എഫിന് 2681 ഉം ബി.ജെ.പി.ക്ക് 3034ഉം കേരളശ്ശേരിയിൽ യു.ഡി.എഫിന് 1862 ഉം ബി.ജെ.പി.ക്ക് 2388 വോട്ടുമാണ് ലഭിച്ചത്. ഈ മൂന്ന് കേന്ദ്രങ്ങളിലും യു.ഡി.എഫിന് ലഭിക്കേണ്ട വോട്ടുകളാണ് വൻതോതിൽ ചോർന്നത്. ഇത് യു.ഡി.എഫ് നേതൃത്വത്തിൽ ആശങ്ക ഉയർത്തിയിട്ടുണ്ട്.
