പകർച്ചവ്യാധി നിയന്ത്രണ നിയമപ്രകാരം രണ്ട് കടയുടമകൾക്കെതിരെ കേസ്
കോവിഡ് നിയന്ത്രണങ്ങൾ മണ്ണാർക്കാട് ശക്തമാക്കുമെന്ന് പോലീസ്
മണ്ണാർക്കാട് : കോവിഡ് നിയന്ത്രണങ്ങൾ ലംഘിച്ച രണ്ട് കടയുടമകൾക്കെതിരെ പോലീസ് കേസെടുത്തു. മണ്ണാർക്കാട് നഗരത്തിൽ പ്രവർത്തിക്കുന്ന സ്റ്റേഷനറി കടയുടമക്കും കുമരംപുത്തൂരിൽ പ്രവർത്തിക്കുന്ന ഇലക്ട്രിക്കൽ കടയുടമക്കുമെതിരെയാണ് ചൊവ്വാഴ്ച്ച മണ്ണാർക്കാട് പോലീസ് കേസെടുത്തത്. പകർച്ചവ്യാധി നിയന്ത്രണ നിയമപ്രകാരമാണ് കേസെടുത്തിട്ടുള്ളത്. കഴിഞ്ഞ ദിവസം നെല്ലിപ്പുഴ, ആശുപത്രിപ്പടി, ടിപ്പു സുൽത്താൻ റോഡ് ജംഗ്ഷൻ, ബസ് സ്റ്റാൻഡ് പരിസരം, കോടതിപ്പടി, കുന്തിപ്പുഴ എന്നിവടങ്ങളിലും കുമരംപുത്തൂരിലും പോലീസ് പരിശോധന നടത്തിയിരുന്നു. വരും ദിവസങ്ങളിലും പരിശോധന കർശനമായി തുടരുമെന്നും കോവിഡ് നിയന്ത്രണങ്ങൾ ലംഘിക്കുന്നവർക്കെതിരെ നടപടി സ്വീകരിക്കുമെന്നും പോലീസ് അറിയിച്ചു.
