കെഎസ്ആർടിസി സർവീസ് ഇന്നുമുതൽ വെട്ടിച്ചുരുക്കും
പാലക്കാട്കോവിഡ്‌ സാഹചര്യത്തെ തുടർന്ന്‌ കർശന നിയന്ത്രണം ഏർപ്പെടുത്തുന്ന ചൊവ്വാഴ്ച മുതൽ ജില്ലയിൽ കെഎസ്ആർടിസി സർവീസുകൾ വെട്ടിച്ചുരുക്കും. തിങ്കളാഴ്ച ആകെ 33 ഷെഡ്യൂളാണ് പാലക്കാട് ഡിപ്പോയിൽനിന്ന്‌ സർവീസ് നടത്തിയത്. ചൊവ്വാഴ്ച മുതൽ 26 സർവീസ് മാത്രമേ ഉണ്ടാകൂ എന്ന് അധികൃതർ അറിയിച്ചു. തൃശൂർ, കോഴിക്കോട്, ഗുരുവായൂർ, വാളയാർ, നെല്ലിയാമ്പതി, ഗോപാലപുരം, തോലന്നൂർ എന്നിവിടങ്ങളിലേക്കാണ് സർവീസ് ഉണ്ടാകുക. യാത്രക്കാർ കുറവായതിനാൽ പാലക്കാട്നിന്നുള്ള ദീർഘദൂര സർവീസുകൾ നിർത്തിയിട്ടുണ്ട്‌.
