പാലക്കാട് ഈ സ്ഥിതി തുടർന്നാൽ നഗരം അടച്ചിടലിലേക്ക് നീങ്ങും. ഈ മാസം പത്തുമുതൽ 27 വരെ 2488 പേർക്കാണ് ഇവിടെ കോവിഡ് സ്ഥിരീകരിച്ചത്. 10 മുതൽ 20 വരെ 833 പേരാണ് പോസിറ്റീവ് ആയതെങ്കിൽ 21 മുതൽ 27 വരെ 1655 പേരാണ് രോഗികളായത്. പതിനെട്ടിനാണ് ഒരു ദിവസം സ്ഥിരീകരിക്കുന്ന രോഗികളുടെ എണ്ണം ആദ്യമായി 100 കടന്നത്. 22ന് ഇത് 200 കടന്നു. 27ന് ഏറ്റവും ഉയർന്ന എണ്ണം രേഖപ്പെടുത്തി. 294 പേർ. ജില്ലയിലെ ഏറ്റവും വലിയ കോവിഡ് ആശുപത്രിയായ ജില്ലാ ആശുപത്രി സ്ഥിതിചെയ്യുന്നത് നഗരത്തിലാണ്. ഇവിടെ പ്രവേശിപ്പിക്കപ്പെട്ടവരിൽ 40 ശതമാനം പേരും നഗരസഭാ പരിധിയിൽനിന്നുള്ളവരാണ്.