ലോക്ക് ഡൗൺ ഭയന്ന് അന്യസംസ്ഥാന തൊഴിലാളികൾ നാട്ടിലേക്ക് മടങ്ങുന്നു

ലോക്ക് ഡൗൺ ഭയന്ന് അന്യസംസ്ഥാന തൊഴിലാളികൾ നാട്ടിലേക്ക് മടങ്ങുന്നു ‘
പാലക്കാട്:കേരളത്തിൽ ലോക്ക് ഡൗൺപ്രഖ്യാപിക്കുമെന്ന ഭയത്തെ തുടർന്ന് അന്യസംസ്ഥാന തൊഴിലാളികൾ നാട്ടിലേക്ക് മടങ്ങുന്നു ‘ കഴിഞ്ഞ രണ്ടുദിവസമായി അഞ്ഞൂറോളം അന്യസംസ്ഥാന തൊഴിലാളികളാണ് ഒലവക്കോട് റയിൽവെ സ്റ്റേഷനിൽ നിന്നും നാട്ടിലേക്ക് തിരിച്ചത് ‘ജാർഖണ്ഡ്, ആസാം, ഒറീസ, ഹരിയാന, ബംഗാൾ തുടങ്ങിയ ഉത്തരേന്ത്യൻ സംസ്ഥാന തൊഴിലാളികളാണ് ജില്ലയിൽ തൊഴിലിനായി തമ്പടിച്ചിരിക്കുന്നത് ‘  കോവിഡ് വ്യാപനം രൂക്ഷമാകുന്ന സാഹചര്യമാണെങ്കിലും ലോക്ക് ഡൗൺപ്രഖ്യാപനവുമായി ബന്ധപ്പെട്ട സൂചനകളൊന്നും കേന്ദ്ര സംസ്ഥാന സർക്കാരുകൾ ഇതുവരെ നൽകിയിട്ടില്ല’ എന്നിട്ടും അന്യസംസ്ഥാന തൊഴിലാളികളുടെ മടക്കത്തിനു പിന്നിൽ വ്യാജ പ്രചരണമാണെന്ന സംശയമുയർന്നിട്ടുണ്ട്. കർശന പരിശോധനയ്ക്ക് ശേഷമാണ് റയിൻ വെ സ്റ്റേഷനകത്തേക്ക് പ്രവേശിപ്പിക്കുന്നതെങ്കിലും ടിക്കറ്റ് പോലുമെടുക്കാതെയാണ്പലരുമെത്തിയത് ‘ എറണാകുളം-പാറ്റ്ന, തിരുവനന്തപുരം ഗുഹാട്ടി എക്സ്പ്രസ്സുകളിലായിരുന്നു ഇവരുടെ മടക്കം. കുട്ടികളടങ്ങുന്ന കുടുബവുമായി തൊഴിൽ തേടിയെത്തിയവരുടെ മടക്കം ഏറെ പ്രയാസകരമാണ്. മാനദണ്ഡങ്ങൾ പാലിക്കാതെയുള്ള മടക്കം രോഗവ്യാപനം വർദ്ധിക്കാനും ഇടയാക്കും. അന്യസംസ്ഥാന തൊഴിലാളികളുടെ മടക്കം ജില്ലയിലെ തൊഴിൽ മേഖലയെ സാരമായി തന്നെ ബാധിക്കും’ ഇതുകൊണ്ട് തന്നെ വ്യാജ പ്രചരണം നടത്തിയവരെ കണ്ടെത്തി നടപടി സ്വീകരിക്കേണ്ടത് ആവശ്യമാണ്