വാളയാർബസിൽ കടത്താൻ ശ്രമിച്ച മയക്കുമരുന്നുമായി യുവാവിനെ എക്സൈസ് സംഘം പിടികൂടി. തൃശൂർ വാടാനപ്പള്ളി സ്വദേശി എം ഷിഫാസ് (26)ആണ് പിടിയിലായത്. ഇയാളിൽനിന്ന് 100ഗ്രാം എംഡിഎംഎ കണ്ടെടുത്തു. കോയമ്പത്തൂർ–-പാലക്കാട് ദേശീയപാതയിൽ നടത്തിയ വാഹനപരിശോധനയിലാണ് ഹൈദ്രാബാദ്നിന്നും എർണാകുളത്തേക്ക് പോകുകയായിരുന്ന ബസിൽനിന്ന് മയക്കുമരുന്ന് പിടിച്ചത്. മയക്കുമരുന്നിന് അന്താരാഷ്ട്രവിപണിയിൽ ഒന്നരക്കോടിയോളംരൂപ വിലവരും. മുമ്പും കഞ്ചാവ് ഉൾപ്പെടെ കടത്തിയിട്ടുണ്ടെന്ന് പ്രതി സമ്മതിച്ചു. എറണാകുളത്ത് നിശാപാർടികളിൽ വിതരണം ചെയ്യാനാണ് മയക്കുമരുന്ന് കടത്തിയതെന്ന് അസിസ്റ്റന്റ് എക്സൈസ് കമീഷണർ എ രമേശ് പറഞ്ഞു. മൂന്നുദിവസത്തിനുള്ളിൽ പിടികൂടുന്ന രണ്ടാമത്തെ എംഡിഎംഎ കേസാണിത്. എ രമേശിന്റെ നേതൃത്വത്തിലുള്ള എഇസി സ്ക്വാഡും പാലക്കാട് എക്സൈസ് റേഞ്ച് ഓഫീസ് ടീമും സംയുക്തമായാണ് വാഹനങ്ങൾ പരിശോധിച്ചത്.