പാലക്കാട് എംഇഎസ് വനിതാ കോളേജിൽ മെറിറ്റ് ദിനം ആചരിച്ചു.
കഴിഞ്ഞ അധ്യയനവർഷത്തിൽ പഠന പഠനാനുബന്ധ പ്രവർത്തനങ്ങളിലും കലാസാഹിത്യ മത്സരങ്ങളിലും മികവ് തെളിയിച്ച വിദ്യാർത്ഥിനികളെ പാലക്കാട് എംഇഎസ് വനിതാ കോളേജിൽ ആദരിച്ചു.
കോളേജ് മാനേജിംഗ് കമ്മിറ്റിയും പിടിഎയും സംയുക്തമായി സംഘടിപ്പിച്ച ദിനാചരണം എം ഇ എസ് പാലക്കാട് ജില്ലാ പ്രസിഡൻറ് എ. ജബ്ബാറാലി ഉദ്ഘാടനം ചെയ്തു. കോവിഡ് കാലഘട്ടത്തിനിടയിൽ അധ്യയനരംഗം ഓൺലൈൻ ആയും ഓഫ്ലൈൻ ആയും സജീവമാക്കാൻ മുൻകൈയ്യെടുത്ത് അധ്യാപകരെയും അതിനുവേണ്ട എല്ലാ സാഹചര്യങ്ങളും ഒരുക്കിയ മാനേജിങ് കമ്മിറ്റിയെയും രക്ഷിതാക്കളെയും എംഇഎസ് നുവേണ്ടി അദ്ദേഹം അഭിനന്ദിച്ചു. വിദ്യാർത്ഥികളുടെ ബഹുമുഖമായ വികസനത്തിനും തൊഴിൽ സാധ്യതകളുടെ ലഭ്യതക്കും ഉതകുന്ന രീതിയിലുള്ള വിദ്യാഭ്യാസ രംഗത്തെ നൂതന പരിഷ്കാരങ്ങൾ വിവിധ കമ്മിറ്റികളും ഏജൻസികളും നടപ്പിലാക്കുമ്പോൾ അത് വരുംവർഷങ്ങളിൽ പാലക്കാട് എംഇഎസ് വനിതാ കോളേജിലും നടപ്പിലാക്കുമെന്ന് അദ്ദേഹം പ്രസ്താവിച്ചു.
പിടിഎ പ്രസിഡൻറ് ജി.ബാലസുബ്രഹ്മണ്യം അധ്യക്ഷതവഹിച്ചു. കോളേജ് മാനേജിംഗ് കമ്മിറ്റി സെക്രട്ടറി എസ്. നസീർ എംഇഎസ് ജില്ലാ ജോയിൻറ് സെക്രട്ടറി എ. സെയ്ദ് താജുദ്ദീൻ പ്രിൻസിപ്പലിന്റെ ചുമതലവഹിക്കുന്ന സി.ബി. ദിവ്യ കോളേജ് മാനേജിങ് കമ്മിറ്റി അംഗവും എംഇഎസ് യൂത്ത് വിംഗ് ജില്ലാ കമ്മിറ്റി അംഗവുമായ എ. എസ്. ഷഫീഖ് അഹമ്മദ് വിദ്യാർഥിനി പ്രതിനിധി എസ് ആദർശ എന്നിവർ പ്രസംഗിച്ചു. പഠന പാഠ്യേതര വിഷയങ്ങളിൽ മികവ് തെളിയിച്ച വിദ്യാർത്ഥിനി കൾക്കുള്ള ഉപഹാരങ്ങളും സർട്ടിഫിക്കറ്റുകളും മുഖ്യാതിഥി വിതരണം ചെയ്തു.