നിയമസഭ തെരഞ്ഞെടുപ്പില് സംസ്ഥാനം ശ്രദ്ധിക്കുന്ന ചില പോരാട്ടങ്ങളിലൊന്ന് പാലക്കാട് ജില്ലയിലെ തൃത്താല മണ്ഡലത്തിലേതാണ്. നിലവിലെ എംഎല്എയായ വിടി ബല്റാമിനെതിരെ എല്ഡിഎഫ്
എംബി രാജേഷിനെ രംഗത്തിറക്കുന്നതോടെ മണ്ഡലത്തിലേത് തീപാറും പോരാട്ടമായിരിക്കും. തദ്ദേശതെരഞ്ഞെടുപ്പില് ജില്ലയിലുണ്ടാക്കാനായ മുന്നേറ്റത്തിന്റെ ആത്മവിശ്വാസത്തോടെയാണ് എല്ഡിഎഫ് തെരഞ്ഞെടുപ്പിനെ നേരിടാനൊരുങ്ങുന്നത്. അതുകൊണ്ട് തന്നെയാണ് ജില്ലയില് നിന്നു തന്നെയുള്ള നേതാവായ എം ബി രാജേഷിനെ ഇടതുമുന്നണി കളത്തിലിറക്കിയത്. എംപിയായിരിക്കെ ദേശീയ രാഷ്ട്രീയത്തിലടക്കം ശ്രദ്ധേയനായ അദ്ദേഹത്തിന് വി ടി ബല്റാമിന്റെ മുന്നേറ്റത്തെ തടയാനാകുമെന്നാണ് ഇടതുമുന്നണി കണക്കാക്കുന്നത്.