‘ഓൾ ഇന്ത്യ ആർടിഐ ഫെഡറേഷൻ’
സംഘടനാ രൂപീകരണവും
വിവരാവകാശ ചർച്ചയും നടത്തി
പാലക്കാട്:
വിവരാവകാശ നിയമം എന്ത്,എന്തിന് എന്ന വിഷയത്തിൽ ക്ലാസും
വിവരാവകാശ പ്രവർത്തകരുടെ ദേശീയ കൂട്ടായ്മക്കുള്ള സാധ്യതകളും ചർച്ച ചെയ്യുന്നതിനായി
ഒലവക്കോട് പ്രിയദർശിനി ബുക് സ്റ്റാളിൽ യോഗം നടത്തി.
വിവരാവകാശ പ്രവർത്തനത്തിൽ
അന്വേഷണത്തിന്റെയും അഭിപ്രായത്തിന്റെയും സാധ്യതകൾ കണ്ടെത്തി സാധാരണക്കാരിൽ അവബോധം സൃഷ്ടിക്കുകയാണ് ലക്ഷ്യം.
പൊതു അധികാര സ്ഥാപനങ്ങളുടെ കൈവശമുള്ള വിവരങ്ങൾ എല്ലാ പൌരന്മാർക്കും ലഭ്യമാക്കുന്നതിനും പൊതു അധികാര കേന്ദ്രങ്ങളുടെ പ്രവർത്തനത്തിൽ സുതാര്യതയും വിശ്വാസ്യതയും വർദ്ധിപ്പിക്കുന്നതിനും ജനങ്ങളോടുള്ള ഉത്തരവാദിത്തം നിലനിർത്തുന്നതിനും അഴിമതി നിർമ്മാർജ്ജനം ചെയ്യുന്നതിനുമുള്ള വിവരാവകാശ നിയമം 2005 ഒക്ടോബർ 12 മുതൽ പ്രാബല്യത്തിൽ വന്നു.പക്ഷേ സാധാരണക്കാർക്ക് ഈ വിഷയത്തിൽ വ്യക്തമായോ അറിവ് പകരാനോ,രാജ്യവ്യാപകമായി വിവരാവകാശ പ്രവർത്തകരെ ഏകോപിക്കാനോ ശ്രമങ്ങൾ ഉണ്ടാകാത്തതിനാൽ
ഈ കൂട്ടായ്മക്ക് വലിയ പ്രസക്തിയുള്ളതായി സംഘടനയുടെ സാരഥികൾ പറഞ്ഞു.
അസീസ് മാസ്റ്റർ,
ആന്റണി ലോയിഡ്
എന്നിവർ വിഷയാവതരണം നടത്തി.
‘ഓൾ ഇന്ത്യ ആർടിഐ ഫെഡറേഷൻ’
എന്നപേരിൽ വിവരാവകാശ, സേവനാവകാശ, പൗരാവകാശ കൂട്ടായ്മക്ക് രൂപം നൽകി.
ചെയർമാൻ:
അഡ്വക്കേറ്റ് ആന്റണി ലോയിഡ്.
വൈസ് ചെയർമാൻ:
മുഹമ്മദ് ഉനൈസ് തെങ്കര.
ജനറൽ സെക്രട്ടറി:
സി.പി മുഹമ്മദാലി.
ഓർഗനൈസേഷൻ സെക്രട്ടറി:
എ കാജാ ഹുസൈൻ.
സെക്രട്ടറി:
ആഷിക് ഒറ്റപ്പാലം
ട്രഷറർ:
എൻ ഷംസുദ്ദീൻ നീരാണി
മീഡിയ കോഡിനേറ്റർ:
സമദ് കല്ലടിക്കോട്
എക്സിക്യൂട്ടീവ് അംഗങ്ങൾ:
മൻസൂർ മണ്ണാർക്കാട്,
കെ കാർത്തികേയൻ, ഹരികൃഷ്ണൻ അലനല്ലൂർ
എന്നിവരാണ് മറ്റു ഭാരവാഹികൾ.
സർക്കാരും സർക്കാർ ഓഫീസുകളും പൊതു മേഖല സ്ഥാപനങ്ങളും സർക്കാരിന്റെ സാമ്പത്തിക സഹായം കൈപറ്റുന്ന സർക്കാരിതര സ്ഥാപനങ്ങളും ജനങ്ങളുടെ നികുതി പണം കൊണ്ടാണ് പ്രവർത്തിക്കുന്നത് എന്നതിനാൽ നിയമത്തിന്റെ പൂർണാവകാശം ഉൾക്കൊണ്ട് പ്രവർത്തിക്കാനും നിസ്വാർത്ഥമായ
ജനസേവത്തിനും സന്നദ്ധതയുള്ളവർ ഈ നമ്പറിൽ 9746873199 ബന്ധപ്പെടണമെന്ന് സംഘാടകർ അറിയിച്ചു.
