ജില്ലാ ജയിലിലെ ചുമരുകളിൽ നിറങ്ങൾ ചാലിച്ചു ആറാടി. ജയിൽ വർണ്ണശബളമായി.
പാലക്കാട് ജില്ലാ ജയിലിലെ ചിത്രമതിൽ പരിപാടി ശ്രീ മുരളി തുമ്മാരുകുടി ” നേത്രോൻമീലനം ” (മിഴി തുറക്കൽ ) ചെയ്തു. ചിത്രകാരൻ എഴുതിയ അമ്മയും കുഞ്ഞും ചിത്രത്തിൽ കണ്ണുകൾ വരച്ചു ചേർത്തായിരുന്നു ഉദ്ഘാടനം നിർവ്വഹിച്ചത്.
കേരള ഗ്രാമ വികസന സാനിറ്റൈസേഷൻ സാരഥി ചേരാസ് രവി ദാസിന്റെ നേതൃത്വത്തിൽ പത്തോളം പ്രൊഫഷണൽ ചിത്രകാരൻമാരും 25 ൽ അധികം ചിത്രകലാ വിദ്യാർത്ഥികളും ജയിൽ ചുമരുകൾ കാൻവാസാക്കി.
സൂപ്രണ്ട് അനിൽകുമാർ കെ സ്വാഗതമോതിയ പരിപാടിയിൽ രവിദാസ് പദ്ധതി വിശദീകരിച്ചു. ജില്ലാ കൃഷി ഓഫീസർ സുരേഷ് ബാബു, ഡെപ്യൂട്ടി സൂപ്രണ്ട് ദിനേശ് ബാബു എന്നിവർ സംസാരിച്ചു
ചരിത്രാതീത കാലം മുതൽ മനുഷ്യരാശി ചിത്രകലയിൽ ആകൃഷ്ടരായിരുന്നു എന്ന് ഗുഹാചിത്രങ്ങൾ നമ്മുക്ക് കാണിച് തരുന്നുണ്ട് എന്നും ചിത്രങ്ങൾ മന: പരിവർത്തന പ്രവർത്തനങ്ങൾക്ക് ആക്കം കൂട്ടുമെന്നും മുരളി തുമ്മാരുകുടി കൂട്ടി ചേർത്തു.
താൻ രചിച്ച 5 പുസ്തകങ്ങൾ ജയിൽ ലൈബ്രറിയിലേക്ക് നൽകി