വാളയാർ ടോൾ പ്ലാസയിൽ നടത്തിയ പരിശോധനയിലാണ്
മാരക മയക്കുമരുന്നായ മെത്താംഫിറ്റമിൻ എന്ന മയക്കുമരുന്നുമായി (0.9300gram) യുവാവിനെ അറസ്റ്റ് ചെയ്തത്.തൃശൂർ ചാവക്കാട്, തളിക്കുളം സ്വദേശി അജ്മൽ (26) ആണ് പിടിയിലായത്.
യുവാക്കൾകിടയിൽ ന്യൂജൻ മെത്ത് മയക്കുമരുന്നായാണ് മെത്താംഫിറ്റമിൻ അറിയപ്പെടുന്നത് എന്നും, ഈ മയക്കുമരുന്നു വളരെ കുറഞ്ഞ അളവിൽ ഉപയോഗിച്ചാൽ പോലും വളരെ കൂടുതൽ സമയം ഉന്മാദ അവസ്ഥയിൽ എത്തുമെന്നതിനാൽ, ഫ്രീക്കന്മാർ എന്ന് വിളിക്കപ്പെടുന്ന ന്യൂ ജൻ ലഹരി ഉപപോക്താക്കൾക്കിടയിൽ മെത്തിനു വൻ സ്വീകാര്യതയാണുള്ളത് എന്ന് പാലക്കാട് അസിസ്റ്റന്റ് എക്സൈസ് കമ്മീഷണർ രമേശ് പറഞ്ഞു.
പാലക്കാട് ഡെപ്യൂട്ടി എക്സൈസ് കമ്മീഷണർക്ക് കിട്ടിയ രഹസ്യ വിവരത്തിന്റെ അടിസ്ഥാനത്തിൽ
-പാലക്കാട് ആന്റി നർക്കോട്ടിക്സ് സ്പെഷ്യൽ സ്ക്വഡ് സർക്കിൾ ഇൻസ്പെക്ടർ പി കെ സതീഷിന്റെ നേതൃത്തത്തിലാണ് ഇയാളെ പിടികൂടിയത്.