മ
മണ്ണാർക്കാട് : സി പി എം ഓഫീസിന് മുൻവശത്തുള്ള ണയൻത്ത് ഗ്രാനൈറ്റ് ഷോപ്പിലും, മണ്ണാർക്കാട് ഹെഡ് പോസ്റ്റ് ഓഫീസിലും ഇന്നലെ രാത്രി കവർച്ച നടന്നു. ഹെഡ്ഡ് പോസ്റ്റോഫീസിൽ പോലീസെത്തി സ്ഥിതിഗതികൾ വിലയിരുത്തി. വിരലടയാള വിദഗ്ധരെത്തി പരിശോധന നടത്തി വിവരങ്ങൾ ശേഖരിച്ചു. ഡോഗ് സ്ക്വാഡും കൂടി പരിശോധന നടത്തി തെളിവെടുപ്പ് പൂർത്തിയായതിനു ശേഷമേ പോസ്റ്റോഫീസ് പ്രവർത്തിക്കുകയൊള്ളൂവെന്ന് അധികൃതർ അറിയിച്ചു. വിലപ്പെട്ട രേഖകളും പണവും നഷ്ടപ്പെട്ടിട്ടുണ്ടോയെന്ന് വ്യക്തമല്ല.
ണയൻത്ത് ഫ്ലോറിൽ നിന്ന് 2060 രൂപയാണ് മോഷണം പോയത്. ഷോറൂമിൻ്റെ വാതിൽ കുത്തിപ്പൊളിച്ചും ജനൽ തകർത്തുമാണ് മോഷ്ടാവ് അകത്തു കടന്നിരിക്കുന്നത്. ഷോറൂമിൽ അധികം തുക സൂക്ഷിക്കാതിരുന്നതിനാൽ കൂടുതൽ തുക നഷ്ടപ്പെട്ടില്ല. മണ്ണാർക്കാട് പോലീസ് സ്ഥലത്തെത്തി കേസെടുത്ത് അന്വേഷണം തുടങ്ങി. വിരലടയാള വിദഗ്ധരെത്തി പരിശോധന നടത്തി.