കൊല്ലങ്കോട് മുൻ എം.എൽ.എയും മുതിർന്ന CPIM നേതാവുമായ സ: ചാത്തുവേട്ടൻ നിര്യാതനായി. ഇന്ന് ഉച്ചയ്ക്ക് 2 മണി മുതൽ 5 മണി വരെ കൊല്ലങ്കോട് CPI(M) ഏരിയാ കമ്മിറ്റി ഓഫീസിൽ പൊതുദർശനം സംസ്കാരം നാളെ 9 AM ന്.
സ.ടി ചാത്തു കർഷക തൊഴിലാളി യൂണിയന്റെ ദീർഘകാല പ്രവർത്തകനായിരുന്നു.
പാർട്ടിയുടെ മുൻ ജില്ലാ സെക്രട്ടറിയേറ്റ് അംഗവും, കർഷക തൊഴിലാളി യൂണിയൻ മുൻ അഖിലേന്ത്യാ വർക്കിങ് കമ്മിറ്റി അംഗവുമായും പ്രവർത്തിച്ചിട്ടുണ്ട്.
അടിച്ചമർത്തപ്പെട്ട വിഭാഗങ്ങളുടെ ഉയർത്തെഴുനേല്പിനായി നടന്ന സമരങ്ങളിൽ പങ്കെടുത്ത് കൂടുതൽ കാലം ജയിൽവാസം അനുഭവിച്ച ജില്ലയിലെ സിപിഐഎം നേതാക്കളിൽ ഒരാളായിരുന്നു T.ചാത്തു. ഇന്ത്യ ചൈന യുദ്ധം നടക്കുമ്പോൾ ചൈന അനുകൂലി എന്ന് മുദ്രകുത്തപ്പെട്ട് ജയിൽ വാസം അനുഭവിക്കേണ്ടി വന്നിട്ടുണ്ട്. മിച്ച ഭൂമി സമരത്തിലും ജയിൽ വാസം അനുഭവിച്ചിട്ടുണ്ട്.
നിലവിൽ കർഷക തൊഴിലാളി യൂണിയന്റെ സംസ്ഥാന കമ്മിറ്റി അംഗവും, പാർട്ടി മുതലമട ലോക്കൽ കമ്മിറ്റി അംഗവുമാണ്.
സമരമുഖങ്ങളിലെ നിറസാന്നിധ്യവും, മുതിർന്ന നേതാക്കൾക്കുൾപ്പെടെ ഏവർക്കും സ്വീകാര്യനും സ്ഥാനമാനങ്ങൾക്കപ്പുറം പാർട്ടി പ്രവത്തനത്തിന് കൂടുതൽ സമയം കണ്ടെത്തുന്ന സഖാവുമായിരുന്നു ചാത്തുവേട്ടൻ.
കൊല്ലങ്കോട് മണ്ഡലത്തിൽ നിന്ന് നിയമസഭാ സാമാജികനായി 5 വർഷം പ്രവർത്തിച്ചു. .