റവന്യൂ ഭൂമി വന ഭൂമിയാക്കിമാറ്റരുത്:കെ സി വൈ എം.
കല്ലടിക്കോട്: വർഷങ്ങളായി പട്ടയം ഉള്ളതും കൈവശം വച്ച് കൃഷിചെയ്തുവരുന്നതുമായ റവന്യൂ ഭൂമി വന ഭൂമിയാക്കിമാറ്റരുതെന്ന് കേരളാ കാത്തലിക് യൂത്ത് മൂവ് മെന്റ് (കെ സി വൈ എം) പാലക്കാട് രൂപതാ പ്രസിഡന്റ് റല്ബിൻ മറ്റത്തിൽ ആവശ്യപ്പെട്ടു. പരിസ്ത്ഥിതി ലോല മേഖലകൾ കൃഷി ഭൂമിയിലേയ്ക്ക് വ്യാപിപ്പിക്കാനുള്ള വനം പരിസ്ഥിതി മന്ത്രാലയത്തിന്റെ നീക്കം തടയണമെന്നും അദേഹം പറഞ്ഞു. കെ സി വൈ എം കല്ലടിക്കോട് യൂണിറ്റിന്റെ ആഭിമുഖ്യത്തിൽ നടത്തിയ ഏകദിന ഉപവാസ സമരം ഉദ്ഘാടനം ചെയ്ത് സംസാരിക്കുകയായിരുന്നു അദേഹം. മേരീ മാതാ പള്ളി വികാരി ഫാ. ജോൺസൺ കണ്ണാമ്പടത്തിൽ അധ്യക്ഷത അഹിച്ചു. കത്തോലിക്കാ കോൺഗ്രസ് പാലക്കാട് രൂപതാ ട്രഷറർ മാത്യു കല്ലടിക്കോട് മുഖ്യ പ്രഭാഷണം നടത്തി. കെ സി വൈ എം. രൂപതാ ഡയറക്ടർ ഫാ. ടോണി അറയ്ക്കൽ, കെ സി വൈ എം പൊന്നംകോട് മേഖലാ ഡയറക്റ്റർ ഫാ. ജോബിൻ മേലേ മുറി,ജനറൽ സെക്രട്ടറി ഷാലിൻ,ആനിമേറ്റർ ആന്റോ, എബിൻ കണിവയലിൽ, ജോസ്കോ, തങ്കച്ചൻ മാത്യൂസ്, ഷനോജ് നെല്ലിക്കാമല, ടിജോ, അജിൻ രാജു, സിറിൽ, ബിനു, സ്നേഹാ തോമസ്, ആൻ എലിസബത്ത്,ടിജോ എന്നിവർ പ്രസംഗിച്ചു.