കര്ഷകരുടെ സത്യാഗ്രഹസമരം 14ന്
പാലക്കാട്: കേന്ദ്രസര്ക്കാരിന്റെ കര്ഷക ദ്രോഹബില്ലിനെതിരെ ഓള് ഇന്ത്യ കിസാന് സംഘര്ഷ് കോ-ഓര്ഡിനേഷന് കമ്മിറ്റിയുടെ നേതൃത്വത്തില് 17 ദിവസമായി നടത്തുന്ന രാജ്യ വ്യാപക പ്രക്ഷോഭ സമരത്തിന് പിന്തുണ പ്രഖ്യാപിച്ച് കൊണ്ട് എല്ലാ സംസ്ഥാനങ്ങളിലും പ്രക്ഷോഭങ്ങള് ആരംഭിച്ചതായി സമരസമിതി ഭാരവാഹികള് പത്രസമ്മേളനത്തില് അറിയിച്ചു. ജില്ലാ തലങ്ങളിലേക്ക് പ്രക്ഷോഭ സമരം വ്യാപിക്കുന്നതിന്റെ ഭാഗമായി ഡിസംബര് 14 ന് രാവിലെ പത്ത് മുതല് അഞ്ചുവരെ കോട്ടമൈതാനത്തെ രക്തസാക്ഷിമണ്ഡപത്തില് ഏകദിന സത്യാഗ്രഹം നടത്തുമെന്നും കോവിഡ് മാനദണ്ഡങ്ങള് പാലിച്ച് നൂറോളം കര്ഷക വളണ്ടിയാര്മാര് പങ്കെടുക്കുമെന്നും അവര് പറഞ്ഞു.
കെ വി രാമകൃഷ്ണന്, വി ചാമുണ്ണി, സമരസമിതി ചെയര്മാന് ജോസ് മാത്യൂസ്, കണ്വീനര് ശിവദാസ് എന്നിവര് പത്രസമ്മേളനത്തില് പങ്കെടുത്തു.