ഫാര്‍മസിസ്റ്റ് ഒഴിവ്
പാലക്കാട് ജില്ലാ മെഡിക്കല്‍ ഓഫീസിന്റെ (ഹോമിയോ) കീഴിലുള്ള സ്ഥാപനങ്ങളില്‍ ഫാര്‍മസിസ്റ്റ് തസ്തികയില്‍ ദിവസവേതനാടിസ്ഥാനത്തില്‍ നിയമനം നടത്തുന്നു. എന്‍.സി.പി / സി.സി.പി (ഹോമിയോ) കോഴ്‌സ് പാസ്സായ ഉദ്യോഗാര്‍ത്ഥികള്‍ കോവിഡ് മാനദണ്ഡങ്ങള്‍ പാലിച്ച് യോഗ്യത, തിരിച്ചറിയില്‍ / ആധാര്‍ കാര്‍ഡ് എന്നിവയുടെ അസല്‍, പകര്‍പ്പുകള്‍ എന്നിവ സഹിതം പാലക്കാട് കല്‍പ്പാത്തി ചാത്തപുരത്തുള്ള ഹോമിയോ ജില്ലാ മെഡിക്കല്‍ ഓഫീസില്‍ നവംബര്‍ 24 ന് രാവിലെ 11 ന് ഹാജരാകണം. പ്രായപരിധി 45 വയസ്. ഓണ്‍ലൈന്‍ വഴി പങ്കെടുക്കാന്‍ ആഗ്രഹിക്കുന്നവര്‍ സര്‍ട്ടിഫിക്കറ്റുകളുടെ പകര്‍പ്പ് ഇ-മെയില്‍ ഐ.ഡി, വാട്‌സ് ആപ്പ് നമ്പര്‍ എന്നിവ സഹിതം 24 ന് വൈകിട്ട് അഞ്ചിനകം dmohomoeopkd@kerala.gov.in ല്‍ അപേക്ഷ സമര്‍പ്പിക്കണം. ഫോണ്‍: 0491 2966355, 2576355
ജവഹര്‍ നവേദയ വിദ്യാലയ പ്രവേശനം
മലമ്പുഴ ജവഹര്‍ നവോദയ വിദ്യാലയത്തില്‍ 2021-22 അദ്ധ്യയന വര്‍ഷത്തില്‍ ഒന്‍പതാം ക്ലാസിലേക്കുള്ള ഓണ്‍ലൈന്‍ അപേക്ഷ ക്ഷണിച്ചു. അപേക്ഷ ഫീസ് ഇല്ല. അപേക്ഷ സമര്‍പ്പിക്കാനുള്ള അവസാന തിയതി ഡിസംബര്‍ 15. പ്രവേശന പരീക്ഷ ഫെബ്രുവരി 13 ന് നടക്കും. ജില്ലയിലെ സര്‍ക്കാര്‍ / സര്‍ക്കാര്‍ അംഗീകൃത വിദ്യാലയങ്ങളില്‍ 2020 – 21 വര്‍ഷം എട്ടാം തരത്തില്‍ പഠിക്കുന്നവര്‍ക്ക് അപേക്ഷിക്കാം. കൂടുതല്‍ വിവരങ്ങള്‍ www.navodaya.gov.in ലും നവോദയ വിദ്യാലയ ഓഫീസിലും ലഭിക്കും. ഫോണ്‍: 0491 2815157, 9496295349
സീനിയോറിറ്റി ലിസ്റ്റ് പ്രസിദ്ധീകരിച്ചു.
ലാന്‍ഡ് റവന്യു വകുപ്പില്‍ 2016 ജനുവരി ഒന്ന് മുതല്‍ 2017 ഡിസംബര്‍ 31 വരെയുളള കാലയളവില്‍ എല്‍.ഡി.ടൈപ്പിസ്റ്റ് തസ്തികയില്‍ നിയമിതരായ ജീവനക്കാരുടെ സംസ്ഥാനതല അന്തിമ സീനിയോറിറ്റി ലിസ്റ്റ് പ്രസിദ്ധീകരിച്ചു. ലിസ്റ്റ്് www.clr.kerala.gov.in ല്‍ പരിശോധനക്ക് ലഭ്യമാണ്. അന്തിമ സീനിയോറിറ്റി ലിസ്റ്റില്‍ ഉള്‍പ്പെട്ട ജീവനക്കാര്‍ക്ക് ആക്ഷേപമുണ്ടെങ്കില്‍ കെ.എസ് & എസ്.എസ്.ആര്‍ ചട്ടം 27 ബി പ്രകാരം സര്‍ക്കാരില്‍ അപ്പീല്‍ സമര്‍പ്പിക്കണമെന്ന് ജില്ലാ കലക്ടര്‍ അറിയിച്ചു.
