വില്പനക്കെത്തിച്ച കഞ്ചാവുമായി യുവാക്കൾ പിടിയിൽ
പാലക്കാട്: ചില്ലറവില്പനയ്ക്കായി കൊണ്ടുവന്ന ഇരുപതു പൊതി കഞ്ചാവുമായി പാലക്കാട് ടൗണ് നോർത്ത് പോലീസും ഡാൻസാഫ് സ്ക്വാഡും ചേർന്ന് രണ്ടു യുവാക്കളെ പിടികൂടി.
പാലക്കാട്: ചില്ലറവില്പനയ്ക്കായി കൊണ്ടുവന്ന ഇരുപതു പൊതി കഞ്ചാവുമായി പാലക്കാട് ടൗണ് നോർത്ത് പോലീസും ഡാൻസാഫ് സ്ക്വാഡും ചേർന്ന് രണ്ടു യുവാക്കളെ പിടികൂടി. പാലക്കാട് പുതുപ്പരിയാരം ലക്ഷംവീട് കോളനിയിൽ രതീഷ് (19), മലപ്പുറം തിരൂർ പച്ചാട്ടിരി സ്വദേശി അർഷൽ (19) എന്നിവരാണ് അറസ്റ്റിലായത്.
തമിഴനാട് തിരുച്ചിറപ്പള്ളിയിൽനിന്നും ട്രെയിൻമാർഗം കഞ്ചാവ് വാങ്ങിക്കൊണ്ടുവന്ന് ഒലവക്കോട് ഭാഗത്ത് വില്പനയ്ക്കായി നില്ക്കുന്പോഴാണ് പ്രതികൾ പിടിയിലായത്. പിടിച്ചെടുത്ത കഞ്ചാവിന് 10,000 രൂപ വിലവരും. പ്രതികൾക്കെതിരെ ടൗണ് നോർത്ത് പോലീസ് കേസ് രജിസ്റ്റർ ചെയ്തു. പാലക്കാട് ടൗണ് നോർത്ത് സബ് ഇൻസ്പെക്ടർ സുധീഷ് കുമാർ, എഎസ്ഐ രാജേന്ദ്രൻ പിള്ള, എസ് സിപിഒ ശ്രീജിത്ത്, സിപിഒമാരായ പ്രകാശൻ, അനീഷ്, ഡാൻസാഫ് സ്ക്വാഡ് അംഗങ്ങളായ കെ.അഹമ്മദ് കബീർ, ആർ.രാജീദ്, എസ്. ഷമീർ എന്നിവരടങ്ങിയ സംഘമാണ് കഞ്ചാവ് പിടികൂടിയത്.
