ജില്ലാ പഞ്ചായത്ത്: മുസ്ലീം ലീഗ് സ്ഥാനാർത്ഥികളെ പ്രഖ്യാപിച്ചുപാലക്കാട്: ജില്ലാ പഞ്ചായത്തിലേക്ക് യുഡിഎഫ് ധാരണപ്രകാരം മുസ്ലിം ലീഗ് മത്സരിക്കുന്ന അഞ്ചുഡിവിഷനുകളിലേക്കുള്ള സ്ഥാനാർത്ഥികളെ ജില്ലാ മുസ്ലിം ലീഗ് പാർലിമെന്ററി ബോർഡ് യോഗം പ്രഖ്യാപിച്ചു. പെരിമുടിയൂർ ഡിവിഷനിൽ മുസ്ലിം ലീഗ് ജില്ലാ സെക്രട്ടറി അഡ്വ.മുഹമ്മദലി മറ്റാംതടം, തെങ്കര ഡിവിഷനിൽ യൂത്ത് ലീഗ് ജില്ലാ പ്രസിഡന്റ് ഗഫൂർ കോൽക്കളത്തിൽ, ലക്കിടി പേരൂരിൽ വനിതാലീഗ് ജില്ലാ ജനറൽ സെക്രട്ടറി ഷംല ഷൗക്കത്ത്, അലനല്ലൂർ എം.മെഹർബാൻ ടീച്ചറും, ചളവറയിൽ ഫസീല ജമാൽ ടീച്ചറും മത്സരിക്കും.
യോഗത്തിൽൽ പാർലിമെന്ററി ബോർഡ് ചെയർമാൻ കളത്തിൽ അബ്ദുല്ല അധ്യക്ഷത വഹിച്ചു. മുസ്ലിംലീഗ് സംസ്ഥാന വൈസ്പ്രസിഡന്റ് സി.എ.എംഎ കരീം, പാർലിമെന്ററി ബോർഡ് ജനറൽ കണ്വീനർ മരക്കാർ മാരായമംഗലം, മഞ്ഞളാംകുഴി അലി എംഎൽഎ, സംസ്ഥാന സെക്രട്ടറിമാരായ അഡ്വ.എൻ.ഷംസുദ്ദീൻ എംഎൽഎ, സി.എച്ച് റഷീദ്, ജില്ലാ മുസ്്ലിംലീഗ് ട്രഷറർ പി.എ തങ്ങൾ, സീനിയർ വൈസ്പ്രസിഡന്റ് എം.എം ഹമീദ് എന്നിവർ യോഗത്തിൽ സംബന്ധിച്ചു.
