കൽപ്പാത്തി അഗ്രഹാര വീഥികളിൽ ഈ വർഷം ദേവരഥങ്ങൾ ഉരുളില്ല
— ജോസ് ചാലക്കൽ —-
പാലക്കാട്: ഏറെ വർഷത്തെ പാരമ്പര്യമുള്ള കൽപ്പാത്തിരഥോത്സവം ഈ വർഷം ക്ഷേത്ര ചടങ്ങുകളോടെ ആചരിക്കും. ലോക ശ്രദ്ധയാകർഷിച്ച രഥോത്സവം ആദ്യമായാണ് മുടങ്ങുന്നത്. അഗ്രഹാര വീഥികളിലൂടെ ദേവരഥങ്ങൾ ഉരുളില്ല. രഥചക്രങ്ങൾ തള്ളാൻ ഗജവീരന്മാരോ, രഥത്തിൽ കെട്ടിയ വടംവലിച്ച് പുണ്യം നേടാൻ ഭക്തജനങ്ങളോ തേരുകടകളോ ഉണ്ടാവില്ല -കോവിഡ് വില്ലനായി വന്നതോടെ ഈ വർഷത്തെ കൽപ്പാത്തി രഥോത്സവനാളുകളിൽ അഗ്രഹാര വീഥികൾ വിജനമായിരിക്കും.
ക്ഷേത്രാചാരങ്ങളോടെ നടത്തുന്നതിൻ്റെ ഭാഗമായി ഉത്സവത്തിന് ഇന്ന് കൊടിയേറ്റം നടത്തി.
പരികർമ്മികളായ രത്ന സഭാവതി ശിവാചാര്യർ, പ്രഭുദേവസേനാപതി ശിവാചാര്യർ ‘, ജ്ഞാന വേൽ തുടങ്ങിയവരുടെ നേതൃത്വത്തിലാണ് കൊടിയേറ്റം നടത്തിയത്.
