പാലക്കാട്: ഒലവക്കോട് സ്റ്റേഷനില്‍ ശരീരത്തില്‍ ഒളിപ്പിച്ച് കടത്തിയ ഒരു കോടി കുഴല്‍പ്പണം പിടികൂടി.
രണ്ട് തമിഴ്നാട് സ്വദേശികളെ ആര്‍പിഎഫ് അറസ്റ്റ് ചെയ്തു.
ഇന്ന് രാവിലെ നാലരയ്ക്ക് ഒലവക്കോട് റെയില്‍വേ സ്റ്റേഷനില്‍ എത്തിയ ഐലന്‍ഡ് എക്സ്പ്രസിലാണ്, രേഖകള്‍ ഇല്ലാത്ത പണം കടത്തിയത്. ഒരു കോടി, രണ്ട് ലക്ഷം രൂപയാണ് പിടിച്ചെടുത്തത്. മധുര സ്വദേശികളായ ബാലകൃഷ്ണന്‍, ഗണേശന്‍ എന്നിവരാണ് പണം കടത്തിയത്. ബെംഗളൂരുവില്‍ നിന്ന് കായംകുളത്തേക്കായിരുന്നു ഇവരുടെ യാത്ര.
ജനറല്‍ കംപാര്‍ട്ട്മെന്‍്റിലായിരുന്നു തുണിയില്‍ പൊതിഞ്ഞ് ശരീരത്തില്‍ ചേര്‍ത്ത് കെട്ടിയായിരുന്നു പണം ഒളിപ്പിച്ചിരുന്നത്. പെട്ടന്ന് തിരിച്ചറിയാതിരിക്കാനാണ് ഈ വിദ്യ. മുമ്ബും പണം കടത്തിയിട്ടുണ്ട് എന്നാണ് ഇരുവരുടെയും മൊഴി. തുടര്‍ അന്വേഷണത്തിനായി കേസ്, ആദായ നികുതി വകുപ്പിന് കൈമാറി.
