മദ്യലഹരിയിൽ കുടുംബശ്രീ ഹോട്ടൽ അടിച്ച് തകർത്ത് യുവാവ്. ചെർപ്പുളശ്ശേരി നെല്ലായ സ്വദേശി അബ്ദുൽ നാസറാണ് ഹോട്ടൽ ആക്രമിച്ചത്. സംഭവത്തിൽ ഭക്ഷണം കഴിക്കാൻ എത്തിയ ഒരാൾക്ക് ആക്രമണത്തിൽ പരിക്കേറ്റു. പ്രതിയെ പോലീസ് അറസ്റ്റുചെയ്തു.പ്രതിക്കെതിരെ ഗുണ്ടാ ആക്ട് ചുമത്തി കേസെടുത്തു. ചെർപ്പുളശ്ശേരി ബസ് സ്റ്റാന്റിനു പിറകിൽ പ്രവർത്തിക്കുന്ന മഹിമ എന്ന കുടുംബശ്രീ ഹോട്ടലാണ് അബ്ദുൽ നാസർ ആക്രമിച്ചത്. ഭക്ഷണം കഴിക്കാനെത്തിയ പ്രതി ആദ്യം സ്ത്രീകളോട് മോശമായി പെരുമാറി. ഹോട്ടലിൽ ഉണ്ടായിരുന്ന മറ്റൊരാൾ ഇത് ചോദ്യം ചെയ്തതോടെ യുവാവ് ഇയാളെ ആക്രമിക്കുകയായിരുന്നു.
