യോഗാ ദിനാചരണം നടത്തി

പട്ടാമ്പി സംസ്കൃത കോളേജിൽ യോഗാ ദിനാചരണം നടത്തി
പട്ടാമ്പി: അന്താരാഷ്ട്ര യോഗാ ദിനാചരണം പട്ടാമ്പി ഗവ. സംസ്കൃത കോളേജിൽ നടന്നു. 28 കേരള ഒറ്റപ്പാലം എൻ സി സി ബറ്റാലിയന്റെ നേതൃത്വത്തിൽ നടന്ന പ്രോഗ്രാം നഗരസഭ ചെയർ പേഴ്സൺ ഒ. ലക്ഷ്മിക്കുട്ടി ഉദ്ഘാടനം ചെയ്തു. ആരോഗ്യകരമായ ജീവിതമാണ് യോഗയുടെ ലക്ഷ്യമെന്ന് അവർ പറഞ്ഞു. യോഗയെ മതവൽക്കരിക്കുകയോ രാഷ്ട്രീയവൽക്കരിക്കുകയോ അരുത്. ജീവിത ശൈലീ രോഗങ്ങളെ തടയാൻ കായികാഭ്യാസങ്ങൾ കൂടിയേ തീരൂ. അവർ കൂട്ടിച്ചേർത്തു.പ്രിൻസിപ്പൽ ഇൻ ചാർജ്ജ് സിഡി ദിലീപ് അധ്യക്ഷനായി. കൗൺസിലർ കെ.ടി. റുഖിയ, 28 കേരള എൻ സി സി ബറ്റാലിയൻ സുബേദാർ മേജർ എസ് .ജി.പ്രകാശം, അസോസിയേറ്റ് എൻ സി സി ഓഫീസർ ക്യാപ്റ്റൻ ഡോ.പി.അബ്ദു, സുബേദാർമാരായ ആർ ഗോപകുമാർ , ആർ. ശക്തി , കമ്പനി ഹവിൽദാർമാരായ ധർമ്മേന്ദർ , വിനോദ്, സുധീർ കുന്നത്ത് എന്നിവർ സംസാരിച്ച .്് സീനിയർ അണ്ടർ ഓഫീസർ അശ്വിൻ ശങ്കർ , അണ്ടർ ഓഫീസർ ഷിജിന എന്നിവർ നേതൃത്വം നൽകി. യോഗാ പ്രദർശനം, പരിശീലനം , ബോധവൽക്കരണം എന്നിവ നടന്നു. പട്ടാമ്പി കോളേജിലെ എൻ സി സി കാഡറ്റുകൾക്ക് പുറമെ ഷൊർണൂർ ഐപിടി & ജി പിടി , കുളപ്പുള്ളി എസ് എൻ കോളേജ് എന്നിവയിലെ കാഡറ്റുകളും യോഗാ പരിപാടിയിൽ പങ്കാളികളായി.