ചിറ്റൂർ ഗവ.കോളേജിൽ പ്രവർത്തകന് നേരെ എസ്.എഫ്.ഐ അക്രമം: നിയമപോരാട്ടത്തിനൊരുങ്ങി ഫ്രറ്റേണിറ്റി
പാലക്കാട്:ചിറ്റൂർ ഗവ.കോളേജ് യൂണിറ്റ് പ്രസിഡന്റ് ഹാദി അമീനെ എസ്.എഫ്.ഐ പ്രവർത്തകർ കഴിഞ്ഞയാഴ്ച മർദിക്കുകയും യൂണിയൻ ഓഫീസിൽ കൊണ്ടുപോയി ഭീഷണിപ്പെടുത്തുകയും ഫെബ്രുവരി 12 ശനിയാഴ്ച രാത്രി ഹോസ്റ്റലിലേക്ക് പുറത്ത് നിന്നുള്ളവർ വന്ന് കൈയേറ്റം നടത്താൻ ശ്രമിക്കുകയും ചെയ്ത സംഭവത്തിൽ കോളേജ് അധികാരികൾക്കും പോലീസിനും പരാതി നൽകിയിട്ടുണ്ടെന്നും നിയമപരമായി നേരിടുമെന്നും ഫ്രറ്റേണിറ്റി ജില്ല സെക്രട്ടറിയേറ്റ് പ്രസ്താവനയിൽ അറിയിച്ചു.കാമ്പസിൽ സാഹോദര്യവും സാമൂഹിക നീതിയും ഉയർത്തിപ്പിടിച്ച് പ്രവർത്തിക്കുന്ന ഫ്രറ്റേണിറ്റി യൂണിറ്റിനെ സോഷ്യൽ മീഡിയയിലൂടെയുള്ള കുപ്രചരണങ്ങളിലൂടെയും കായികമായി നേരിട്ടും നിശ്ചലമാക്കാൻ സാധിക്കില്ല.കാമ്പസ് ജനാധിപത്യത്തിനു വേണ്ടി യൂണിറ്റ് കമ്മിറ്റി കോളേജിൽ ശക്തമായി നിലകൊള്ളുമെന്നും ജില്ല സെക്രട്ടറിയേറ്റ് അറിയിച്ചു.
