സെന്റർ ഫോർ ലൈഫ് സ്ക്കിൽസ് ലേണിംഗ് സംഘടനയുടെയും എൻ.എസ്.എസ് യൂണിറ്റിന്റെയും സംയുക്ത ആഭിമുഖ്യത്തിൽ വനംവകുപ്പ് വാച്ചർമാർക്ക് കാട്ടുതീ പ്രതിരോധത്തിനുള്ള പ്രാഥമികകിറ്റ് നൽകി.
നെന്മാറ: നെന്മാറ സെന്റർ ഫോർ ലൈഫ് സ്ക്കിൽസ് ലേർണിംഗിന്റെയും , നെന്മാറ ബോയ്സ് ഹയർ സെക്കണ്ടറി സ്ക്കൂൾ എൻ.എസ്.എസ് യൂണിറ്റിന്റെയും നേതൃത്വത്തിൽ പോത്തുണ്ടി സെക്ഷൻ വനംവകുപ്പ് ചെക്ക് പോസ്റ്റിൽവച്ച് 25-02-2022ന് ഫയർവാച്ചർമാർക്ക് അഗ്നി പ്രതിരോധ പ്രവർത്തനത്തിന്റെ ഭാഗമായുള്ള പ്രാഥമിക കിറ്റുകൾ വിതരണം ചെയ്തു. ബാഗ്, ടോർച്ച്, വാട്ടർബോട്ടിൽ, സാനിറ്റൈസർ , മാസ്ക് , പ്ലേറ്റ് ഗ്ലാസ് എന്നിവ അടങ്ങിയ കിറ്റാണ് വിതരണം ചെയ്തത്. ഫയർ സീസണിൽ വാച്ചർമാർക്ക് ഇത്തരം കിറ്റുകൾ ഉപയോഗപ്രദമായിരിക്കുമെന്നും, ആദിവാസി വിഭാഗങ്ങൾ അടങ്ങുന്ന വാച്ചർ മാർക്ക് ഇത്തരം ബാഗ് വിതരണം വളരെയധികം പ്രചോദനവുമായിരിക്കുമെന്ന് നെന്മാറ ഡി. എഫ്. ഓ. സി.പി. അനീഷ് അഭിപ്രായപ്പെട്ടു. തുച്ഛമായ സാമ്പത്തികവരുമാനത്തിൽ വന സംരക്ഷണപ്രവർത്തനങ്ങളും, കാട്ടുതീ പ്രതിരോധ പ്രവർത്തനങ്ങൾക്കും സദാസന്നദ്ധരായ ഇത്തരം വ്യക്തിത്വങ്ങളുടെ സേവനം വിലമതിക്കാനാവാത്തതാണെന്ന് പ്രസ്തുതചടങ്ങ് ഉദ്ഘാടനംചെയ്ത് ഡി.എഫ്.ഒ സംസാരിച്ചു. നെല്ലിയാമ്പതി ഫോറസ്റ്റ് റേഞ്ച് ഓഫീസർ കെ.ആർ. കൃഷ്ണദാസ് അധ്യക്ഷനായിരുന്നു. ചടങ്ങിൽ നെന്മാറ ബോയ്സ് ഹയർ സെക്കണ്ടറി പ്രിൻസിപ്പാൾ മഹാലിംഗം മുഖ്യാഥിതിയായിരുന്നു. പോക്കാമട വന സംരക്ഷണ സമിതി, മാട്ടായി വന സംരക്ഷണ സമിതി , ചെറുനെല്ലി ട്രൈബൽ കോളനി എന്നിവിടങ്ങളിലുള്ള 18 വാച്ചർ മാർക്കാണ് കിറ്റ് നൽകിയത്. സി.എൽ.എസ്.എൽ ഡയറക്ടർ അശോക് നെന്മാറ, പോത്തുണ്ടി ഫോറസ്റ്റ് ഓഫീസർ ഗിരീഷ്.സി , ബീറ്റ് ഫോറസ്റ്റ് ഓഫീസർമാരായ സി.രഞ്ജിത് , എം.മനു, ബി.ആർ.രഞ്ജിത് , എൻ.എസ്.എസ് പ്രോഗാംഓഫീസർ കെ.മുരളീധരൻ , എം.വിവേഷ് , പി.ആർ.അനിൽകുമാർ , സന്നദ്ധ പ്രവർത്തകരായ, നന്ദനനാരായണൻ , മേഘ്ന.കെ.എം., ജുവൈരിയ.സി.ആർ. എന്നിവർ സംസാരിച്ചു. തുടർന്ന് കാട്ടുതീ ബോധവൽക്കരണ ക്ലാസും സംഘടിപ്പിച്ചു.
(വാർത്ത. രാമദാസ്. ജി. കൂടല്ലൂർ.)
