ടിപ്പു സുൽത്താൻ റോഡിനോടുള്ള ഭരണകൂട വിവേചനം:വെൽഫെയർ പാർട്ടി വാഹന പ്രചരണ ജാഥക്ക് തുടക്കം
പുലാപ്പറ്റ:നവീകരണോദ്‌ഘാടനമെന്ന പേരിൽ വൻ മാമാങ്കം നടത്തി പൊതുമരാമത്ത് മന്ത്രി തന്നെ ഒന്നര വർഷം കൊണ്ട് റോഡ് വികസനം പൂർത്തിയാക്കുമെന്ന് പ്രഖ്യാപിച്ചിട്ടും കാലങ്ങളായി അധികൃതരുടെ ഭാഗത്തു നിന്ന് ഒരു നടപടിയുമുണ്ടാകാത്തതിൽ പ്രതിഷേധിച്ച് കോങ്ങാട്- മണ്ണാർക്കാട് ടിപ്പു സുൽത്താൻ റോഡിൽ വെൽഫെയർ പാർട്ടി ജില്ല കമ്മിറ്റി ഇന്ന് നടത്തുന്ന വാഹന പ്രചരണ ജാഥക്ക് രാവിലെ മണ്ണാർക്കാട് വെച്ച് തുടക്കമായി.ടിപ്പു സുൽത്താൻ റോഡ് ജങ്ഷനിൽ ജില്ല മീഡിയ സെക്രട്ടറി കെ.വി അമീർ ഫ്ലാഗ് ഓഫ് നിർവഹിച്ചു. നവീകരണത്തിനായി സംസ്ഥാന ബജറ്റിലൂടെയും കിഫ്ബിയിലൂടെയും കോടികൾ പല ഘട്ടങ്ങളിലായി പാസായിട്ടും ഒന്നും നടക്കുന്നില്ലെന്നും റോഡ് നവീകണമെന്ന ജനങ്ങളുടെ കാലങ്ങളായുള്ള ആവശ്യം നിറവേറ്റാൻ അധികാരികൾ തയ്യാറായില്ലെങ്കിൽ കൂടുതൽ ശക്തമായ സമര പരിപാടികൾ നടത്തുമെന്നും അദ്ദേഹം പറഞ്ഞു.
വെൽഫെയർ പാർട്ടി ജില്ല സമര സമിതി കൺവീനർ ഷാക്കിർ പുലാപ്പറ്റ,കോങ്ങാട് മണ്ഡലം പ്രസിഡന്റ് കരീം പറളി,മണ്ണാർക്കാട് മണ്ഡലം പ്രസിഡന്റ് ജമാൽ എടത്തനാട്ടുകര,ഒറ്റപ്പാലം മണ്ഡലം പ്രസിഡന്റ് ജാഫർ പത്തിരിപ്പാല,വൈസ് പ്രസിഡന്റ് അബ്ദുൽ ഗനി, കടമ്പഴിപ്പുറം പഞ്ചായത്ത് കമ്മിറ്റിയംഗം ഖാലിദ് പുലാപ്പറ്റ എന്നിവരുടെ നേതൃത്വത്തിലാണ് ജാഥ നടക്കുന്നത്.വൈകീട്ട് 4 മണിക്ക് കൊട്ടശേരിയിൽ ജാഥ സമാപിച്ച ശേഷം 5 മണിക്ക് ഉമ്മനഴി ജങ്ഷനിൽ സമാപന സമ്മേളനം നടക്കും. പരിപാടി സംസ്ഥാന കമ്മിറ്റിയംഗം എം.സുലൈമാൻ ഉദ്ഘാനം ചെയ്യും.
വിവിധ വാഹനങ്ങളിലായി നൂറ് കണക്കിന് പ്രവർത്തകരാണ് വാഹന പ്രചരണ ജാഥയിൽ അണിനിരന്നിട്ടുള്ളത്.
Photo:ടിപ്പു സുൽത്താൻ റോഡ് നവീകരണം ഉടൻ ആരംഭിക്കണമെന്നാവശ്യപ്പെട്ട് വെൽഫെയർ പാർട്ടി നടത്തുന്ന വാഹന പ്രചരണ ജാഥയുടെ ഫ്ലാഗ് ഓഫ് ജാഥ ക്യാപ്റ്റൻ ഷാക്കിർ അഹമ്മദിന് പതാക കൈമാറി ജില്ല മീഡിയ സെകട്ടറി അമീർ മണ്ണാർക്കാട് നിർവഹിക്കുന്നു.
