സന്ദീപ് വാര്യരുടെ കോണ്‍ഗ്രസ് പ്രവേശത്തിനെതിരേ തുറന്നടിച്ച്‌ പാലക്കാട്ടെ മുതിർന്ന കോണ്‍ഗ്രസ് നേതാവ് വി.എസ്.വിജയരാഘവൻ.
സന്ദീപിന്റെ വരവ് ബി.ജെ.പിക്ക് ഗുണമായെന്നും അദ്ദേഹത്തെ സ്വീകരിച്ചത് അനവസരത്തിലാണെന്നും വിജയരാഘവൻ പറഞ്ഞു.
‘ഞാൻ 25 വർഷം ഡി.സി.സി പ്രസിഡന്റും 15 വർഷം എം.പിയുമായിരുന്നു. സന്ദീപ് കോണ്‍ഗ്രസിലേക്ക് വരുന്നൂവെന്ന് ടെലിവിഷനില്‍ കണ്ടതല്ലാതെ ഇതേകുറിച്ച്‌ എന്നോട് ആരും ഇതുവരെ അഭിപ്രായം ചോദിച്ചിട്ടില്ല. സന്ദീപിന്റെ കൂടെ ഒരാളെങ്കിലും കോണ്‍ഗ്രസിലേക്ക് വന്നിട്ടുണ്ടോ? പിന്നെ എന്താണ് കാര്യം? 23-ാം തീയതിക്ക് ശേഷം അദ്ദേഹത്തെ കൊണ്ടുവന്നാല്‍ മതിയായിരുന്നു.
