പാലക്കാട്: പാടൂര്‍ വേലയ്ക്കിടെ ആനയിടഞ്ഞു. കൊമ്ബന്‍ തെച്ചിക്കോട്ട് രാമചന്ദ്രനാണ് ഇടഞ്ഞത്. ഉടന്‍ തന്നെ എലിഫന്‍റ് സ്‌ക്വാഡും പാപ്പാന്മാരും എത്തി ആനയെ തളച്ചതിനാല്‍ വന്‍ അപകടം ഒഴിവായി.
ഉത്സവത്തിനിടെ ഒപ്പമുണ്ടായിരുന്ന മറ്റൊരാന ചിന്നംവിളിച്ചതോടെ പരിഭ്രാന്തനായ ആന മുന്നോട്ട് ഓടുകയായിരുന്നു. ഇതിനിടെ ആനയുടെ തട്ടേറ്റ് ഒന്നാം പാപ്പാന് ഗുരുതര പരിക്കേറ്റു.
നെന്മാറ കരിമ്ബാറ സ്വദേശി രാമന്(63) ആണ് പരിക്കേറ്റത്. ഇയാളെ തൃശൂര്‍ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.
പാടൂര്‍ തെക്കേക്കളം രാധിക(43) അനന്യ(12) എന്നിവര്‍ക്കും ആന ഓടുന്നതിനിടെ പരിക്കേറ്റു. ഇവരെ ആലത്തൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു.
