വനിതാ ഗാന്ധിദർശൻ വേദി കസ്തുർബ അനുസ്മരണം നടത്തി.

പാലക്കാട്: കേരള പ്രദേശ് വനിതാ ഗാന്ധിദർശൻ വേദി പാലക്കാട്‌ ജില്ലാ കമ്മിറ്റിയുടെ ആഭിമുഖ്യത്തിൽ അകത്തേത്തറ ശബരി ആശ്രമത്തിൽ കസ്തൂർബഗാന്ധി അനുസ്മരണ സമ്മേളനം സംഘടിപ്പിച്ചു. ലോക വനിതകൾക്ക് മാതൃകയായി ഭാരതസ്വാതന്ത്ര്യത്തിന് വേണ്ടി തൻ്റെ ഭർത്താവ് ഗാന്ധിജിയോടൊപ്പം പ്രവർത്തിച്ച ധീരവനിതയാണ് കസ്തുർ ബഗാന്ധിയെന്ന് യോഗം ഉദ്ഘാടനം ചെയ്തുകൊണ്ടു് കെ.പി.സി.സി.ജനറൽ സെക്രട്ടറി പ്രഫ.കെ.എ. തുളസി പറഞ്ഞു.വനിതാ ഗാന്ധി ദർശൻ വേദി ജില്ലാ ചെയർപേഴ്സൺ പി.പ്രീത അദ്ധ്യക്ഷത വഹിച്ചു. കെ.പി.ജി.ഡി.സംസ്ഥാന സെക്രട്ടറി പി.മോഹനകുമാരൻ മുഖ്യ അഥിതിയായിരുന്നു. കേരളാ പ്രദേശ് ഗാന്ധിദർശൻ വേദി പാലക്കാട് ജില്ലാ ചെയർമാൻ പി.പി.വിജയകുമാർ മുഖ്യ പ്രഭാഷണം നടത്തി. വനിതാ ഗാന്ധിദർശൻ വേദി സംസ്ഥാന കൺവീനർ കെ.വി.പുണ്യ കുമാരി, എ.ശിവരാമകൃഷ്ണൻ, എ.ഗോപിനാഥൻ, ഇ.എം.ബാബു, ജി.തങ്കമണി, കെ.അജിത, എം.എം.തോമസ്സ്, ടി.എൻ.ചന്ദ്രൻ, വി.ആർ.കുട്ടൻ, കെ.ടി.പുഷ്പവല്ലി നമ്പ്യാർ, ലക്ഷമി പത്മനാഭൻ, എം.ജി.സുരേഷ് കുമാർ, യു.മുരളീധരൻ, പി.എസ്.ശ്രീകുമാരൻ, വി.പി.ശിവരാമകൃഷ്ണൻ എന്നിവർ പ്രസംഗിച്ചു.