മലമ്പുഴ ചെറാട് മലയില്നിന്ന് യുവാവിനെ രക്ഷപ്പെടുത്തുന്നതില് വീഴ്ച സംഭവിച്ചെന്ന ആരോപണത്തില് ഫയര് ഫോഴ്സില് നടപടി.
പാലക്കാട് ജില്ലാ ഫയര് ഓഫീസര് വി.കെ. ഋതീജിനെ വിയ്യൂരിലേക്ക് സ്ഥലംമാറ്റി. രക്ഷാപ്രവര്ത്തനത്തില് ഏകോപനം ഇല്ലാത്തതില് വിശദീകരണം ചോദിച്ചതിന് പിന്നാലെയാണ് നടപടി.
മലപ്പുറം ജില്ലാ ഫയര് ഓഫീസറായ റ്റി. അനൂപിന് പകരം ചുമതല നല്കി. മലപ്പുറത്തേക്ക് വിയ്യൂര് അക്കാദമിയില് നിന്നുള്ള എസ്.എല്. ദിലീപിനെ ജില്ലാ ഫയര് ഓഫീസറായി നിയമിച്ചു. കഞ്ചിക്കോട്,. പാലക്കാട് സ്റ്റേഷന് ഓഫീസര്മാരെ പരസ്പരം സ്ഥലം മാറ്റി. പാലക്കാട് സ്റ്റേഷന് ഓഫീസറായിരുന്ന ആര്. ഹിദേഷിനെ കഞ്ചിക്കോടേക്കും കഞ്ചിക്കോട് സ്റ്റേഷന് ഓഫീസറായിരുന്ന ജോമി ജേക്കബിനെ പാലക്കാടേക്കും സ്ഥലം മാറ്റി.
