നന്മ ഫൗണ്ടേഷനും, ജനമൈത്രി പോലീസും സംയുക്തമായി 80 വയസ്സുകഴിഞ്ഞ അദ്ധ്യാപകരെ ആദരിച്ചു.

നന്മ ഫൗണ്ടേഷനും, ജനമൈത്രി പോലീസും സംയുക്തമായി 80 വയസ്സുകഴിഞ്ഞ അദ്ധ്യാപകരെ ആദരിച്ചു. നന്മ ഫൗണ്ടേഷൻ പാലക്കാട് ജില്ലാ കമ്മിറ്റിയും നെന്മാറ ജനമൈത്രി പോലീസും സംയുക്തമായി പുതുവൽസരസമ്മാന രീതിയിൽ നെന്മാറ മേഖലയിലെ 80വയസ്സു കഴിഞ്ഞ അദ്ധ്യാപകരെ അവരുടെ വീടുകളിലെത്തി ആദരിക്കുകയുണ്ടായി. നെന്മാറയിലെ പ്രഗത്ഭരും,പ്രശസ്തരുമായ ഗിരിജാവല്ലഭൻ മാസ്റ്റർ, രാഘവൻ മാസ്റ്റർ, ഭാഗീരഥി ടീച്ചർ, കൊച്ചമ്മ ടീച്ചർ എന്നിവർക്ക് പൊന്നാട അണിയിച്ചാണ് ആദരിച്ചത്. പ്രസ്തുത ചടങ്ങുകളിൽ നെന്മാറ പോലീസ് സ്റ്റേഷൻ സബ്ബ് ഇൻസ്പെക്ടർ നാരായണൻ പൊന്നാടകൾ അണിയിച്ചു. നന്മ നെന്മാറ മേഖലാ കോർഡിനേറ്റർമാരായ A.S വിജയൻ,അബ്ബാസ്, മോഹൻദാസ് ആലിക്കൽ, കബീർ ഹാജി, രാമകൃഷ്ണൻ, സുരേഷ് അനന്തരാമൻ, ജനമൈത്രി പോലീസ് ബീറ്റ് ഓഫീസർമാരായ സുരേഷ്, ഷിജിത്ത് എന്നിവർ പ്രസ്തുത ചടങ്ങുകളിൽ സംബന്ധിക്കുകയുണ്ടായി.