കേന്ദ്ര – സംസ്ഥാന സര്‍ക്കാരുകളുടെ നികുതി ക്കൊള്ളയ്‌ക്കെതിരേ എസ്.ഡി.പി.ഐ പ്രതിഷേധ പ്രകടനം നടത്തി
പാലക്കാട് : കേന്ദ്ര-സംസ്ഥാന സര്‍ക്കാരുകള്‍ കോടികള്‍ നികുതിയും സെസും ഇനത്തില്‍ പിരിച്ചെടുക്കുകയും വിലവര്‍ധനയില്‍ പരസ്പരം പഴി ചാരി ജനങ്ങളെ കബളിപ്പിക്കുകയുമാണ് എന്നും രാജ്യത്തെ ജനങ്ങളുടെ മേല്‍ അമിതഭാരം അടിച്ചേല്‍പ്പിച്ച് ഇന്ധന വില ക്രമാതീതമായി വര്‍ധിക്കുന്നതിനു പിന്നില്‍ കേന്ദ്ര-സംസ്ഥാന സര്‍ക്കാരുകളുടെ നികുതി ക്കൊള്ളയാണെന്നും , കേന്ദ്ര സര്‍ക്കാരിന്റെ അനിയന്ത്രിത നികുതി ക്കൊള്ളയ്‌ക്കെതിരേ നടത്തിയ പ്രധിഷേധ പരിപാടി ഉൽഘാടനം നടത്തിയ എസ്ഡിപിഐ പാലക്കാട് മുനിസിപ്പൽ കമ്മിറ്റി പ്രസിഡന്റ് അബ്ദുൽ ജബ്ബാർ കുറ്റപ്പെടുത്തി.
പെട്രോള്‍ വിലയില്‍ 27.90 രൂപ കേന്ദ്ര നികുതിയും 30.08 സംസ്ഥാന നികുതിയുമാണ്. ഡീസലിന് 21.80 രൂപ കേന്ദ്രനികുതിയും 22.76 ശതമാനം സംസ്ഥാന നികുതിയുമാണ്. ഇതു കൂടാതെ അധിക എക്‌സൈസ് ഡ്യൂട്ടിയും സംസ്ഥാനങ്ങളുടെ സെസും വരും. ഇന്ധന വില നിര്‍ണയാധികാരം കേന്ദ്രസര്‍ക്കാര്‍ ഏറ്റെടുക്കുക, കേന്ദ്ര-സംസ്ഥാന സര്‍ക്കാരുകള്‍ നികുതി കുറയ്ക്കുക എന്നും ജബ്ബാർ ആവശ്യപ്പെട്ടു.
എസ്.ഡി.പി.ഐ മുനിസിപ്പൽ സെക്രട്ടറി അബ്ബാസ്.ആർ , മുഖ്താർ അലി , ഹബീബ് തുടങ്ങിയവർ നേതൃത്വം നൽകി
