പ്രസവത്തിന് പിന്നാലെ അമ്മയും കുഞ്ഞും മരിച്ച സംഭവത്തില് ചികിത്സ പിഴവ് ഉണ്ടായിട്ടില്ലെന്ന് ആശുപത്രി അധികൃതര്പറഞ്ഞു
പാലക്കാട് പ്രസ് ക്ലബ്ബില് നടന്ന വാര്ത്താ സമ്മേളനത്തിലാണ് ആശുപത്രി അധികൃതര് ഇക്കാര്യം അറിയിച്ചത്.
അമ്മയെയും കുഞ്ഞിനെയും രക്ഷിക്കാന് ശ്രമങ്ങള് നടത്തിയിരുന്നു. അന്വേഷണം നേരിടാന് തയ്യാറാണെന്ന് അധികൃതര് അറിയിച്ചു.
ഐശ്വര്യയെ മുമ്ബ് ചികിത്സിച്ചിരുന്ന ഗൈനക്കോളജിസ്റ്റ് ഡോ. പ്രിയദര്ശിനിയും പരിശോധിച്ചിരുന്നു. ഓപ്പറേഷന് ചെയ്യാനുള്ള അനുമതിയാണ് കുടുംബത്തില് നിന്ന് വാങ്ങിയത്. ഗര്ഭപാത്രം നീക്കം ചെയ്യുന്നത് ആ സമയത്തെ തീരുമാനമായിരുന്നു. അത് മുന്കൂട്ടി അറിയിക്കാന് കഴിയില്ല. അവസാന നിമിഷമാണ് ആ തീരുമാനമെടുക്കുകയെന്നും അധികൃതര് അറിയിച്ചു.
. സംഭവത്തില് ദുരുഹതയുണ്ടെന്നു ആരോപിച്ച് യുവതിയുടെ ബന്ധുക്കള് രംഗത്തെത്തിയിരുന്നു. ഇതിനെ തുടര്ന്ന് പോലീസ് ആശുപത്രി അധികൃതര്ക്കെതിരെ കേസ് എടുത്തിരുന്നു. ഈ സാഹചര്യത്തിലാണ് ഐഎംഎയുടെ പ്രതികരണം. അതേസമയം ഐശ്വര്യയുടെ പോസ്റ്റ്മോര്ട്ടം പൂര്ത്തിയായി. അമിത രക്തസ്രാവമുണ്ടായതാണ് മരണ കാരണമെന്നാണ് പ്രാഥമിക വിവരം.
