അട്ടപ്പാടിയില് യുവതിയെ കാട്ടാന ചവിട്ടി കൊന്നു. കാവുണ്ടിക്കല് പ്ലാമരത്ത് മല്ലീശ്വരിയാണ് മരിച്ചത്.
കഴിഞ്ഞ ദിവസം ജനവാസ മേഖലയിലിറങ്ങിയ ആനയെ വനം പരിപാലകര് കാട്ടിലേക്ക് തിരിച്ചയച്ചിരുന്നു. എന്നാല് ആന ഉള്ക്കാട്ടിലേക്ക് മടങ്ങിയിരുന്നില്ല. ഇന്ന് പുലര്ച്ചെ വീണ്ടും ഇറങ്ങുകയായിരുന്നു. മല്ലീശ്വരിയുടെ മൃതദേഹം അഗളി ആശുപത്രിയിലേക്ക് മാറ്റി.
രാത്രി രണ്ടരയോടെയായിരുന്നു സംഭവം. വനത്തിനോട് ചേര്ന്നാണ് യുവതിയുടെ വീട് സ്ഥിതി ചെയ്യുന്നത്. ശബ്ദം കേട്ട് പുറത്തിറങ്ങിയപ്പോഴാണ് മല്ലീശ്വരിയെ ആന ആക്രമിച്ചത്.