ജീവനക്കാർക്ക് കോവിഡ് : വടക്കഞ്ചേരിയിലെ റിലയൻസ് സൂപ്പർമാർക്കറ്റ് അടപ്പിച്ചു

വടക്കഞ്ചേരി: ജീവനക്കാർക്ക് കോവിഡ് രോഗബാധ സ്ഥിരീകരിച്ചതിനെ തുടര്‍ന്ന് വടക്കഞ്ചേരിയിലെ റിലയൻസ് സൂപ്പർമാർക്കറ്റാണ് അടപ്പിച്ചത് വടക്കഞ്ചേരി തങ്കം തിയേറ്റർ ജംഗ്ഷനിൽ പ്രവർത്തിക്കുന്ന റിലയൻസ് സ്മാർട്ട് സൂപ്പർമാർക്കറ്റിലെ 23 ജീവനക്കാർക്കാണ് കോവിഡ് 19 സ്ഥിരീകരിച്ചത്.
വെള്ളിയാഴ്ച മാത്രം 12 ജീവക്കാർക്കും, മുന്‍ ദിവസങ്ങളില്‍ 11 ജീവനക്കാർക്കും രോഗം സ്ഥിരീകരിച്ചിരുന്നു. ഹെൽത്ത് ഇൻസ്പെക്ടർ എം.എ ഉണ്ണികൃഷ്ണൻ, ഹെൽത്ത് സൂപ്പർവൈസർ എന്നിവരെത്തിയാണ് സൂപ്പർമാർക്കറ്റ് അടപ്പിച്ചത്. അണുവിമുക്തമാക്കിയതിന് ശേഷം തിങ്കളാഴ്ച മുതൽ മറ്റ് ജീവനക്കാരെ വെച്ച് പ്രവർത്തിക്കാൻ അനുവദിക്കുകയുള്ളൂ.