ഷാഫി പറമ്ബില് എംപിയ്ക്കെതിരേ ഗുരുതര ആരോപണവുമായി സിപിഎം. നല്ലൊരാളെ കണ്ടാല് ബെംഗളൂരു ട്രിപ്പ് അടിക്കാമോ എന്നാണ് രാഹുല് മാങ്കൂട്ടത്തിലിന്റെ ‘ഹെഡ്മാസ്റ്റർ’ ആയ ആള് ചോദിക്കുന്നതെന്ന് സിപിഎം പാലക്കാട് ജില്ലാ സെക്രട്ടറി ഇഎൻ സുരേഷ് ബാബു ആരോപിച്ചു.
രാഹുലിനെ പത്തനംതിട്ടയില് നിന്ന് ക്ഷണിച്ചു കൊണ്ടുവന്ന ഷാഫി പറമ്ബില് ആണ് ഹെഡ്മാഷ് എന്നും സുരേഷ് ബാബു പറഞ്ഞു. ഷാഫി പറമ്ബിലിനെ ഞാൻ വെല്ലുവിളിക്കുന്നു, രാഹുല് ചെയ്തത് ഒരു തരത്തിലും അംഗീകരിക്കുന്നില്ലെന്നും അയാളെ കോണ്ഗ്രസില്നിന്ന് പുറത്താക്കിയതിന് പുറമെ ശക്തമായ നടപടി വേണമെന്നും രാജിവെക്കണമെന്നും പറയാൻ തയ്യാറാകുമോ എന്നും സുരേഷ് ബാബു ചോദിച്ചു.
