ശാസ്ത്ര മേളയിൽ പല്ലാവൂർ ജി എൽ പി എസ് ന് ഒന്നാം സ്ഥാനം

പല്ലശ്ശന. കൊല്ലങ്കോട് സബ് ജില്ലാ കേരള സ്കൂൾ ശാസ്ത്രോത്സവത്തിൽ ശാസ്ത്ര മേളയിലും സാമൂഹ്യ ശാസ്ത്രമേളയിലും എൽ പി.വിഭാഗത്തിൽ പല്ലാവൂർ ഗവ: എൽ.പി.സ്കൂൾ ഒന്നാം സ്ഥാനത്തെത്തി. ഒക്ടോബർ 13,14,15 തിയ്യതികളിൽ പല്ലശ്ശന വി ഐ എം ഹൈസ്കൂളിലായിരുന്നു കേരള ശാസ്ത്രോത്സവം ഉണ്ടായിരുന്നത്.
പ്രവൃത്തിപരിചയ മേളയിലും മികച്ച പ്രകടനമാണ് വിദ്യാലയം കാഴ്ചവെച്ചത്.
വിജയികൾക്കുള്ള അനുമോദന സദസ്സ് ദേശീയ അധ്യാപക അവാർഡ് ജേതാവ് എ.ഹാറൂൺ മാസ്റ്റർ ഉദ്ഘാടനം ചെയ്തു. പി ടി എ പ്രസിഡണ്ട് എസ്.ജയ അധ്യക്ഷത വഹിച്ചു. ഹെഡ്മിസ്ട്രസ്സ് ടി.ഇ. ഷൈമ, കെ.മോഹനൻ , ബി. ശരണ്യ, ബി.ഗീത, കെ.ശ്രീജാമോൾ, എം. ടിന്റു, ടി.വി. പ്രമീള, എം പ്രവീണ, കെ.ഗിരിജ എന്നിവർ സംസാരിച്ചു. വിജയി കൾക്കുള്ള സർട്ടിഫിക്കറ്റും ഷീൽഡും ഹാറൂൺമാസ്റ്റർ വിതരണം ചെയ്തു.