സ്കൂൾ പാചകത്തൊഴിലാളികൾ മന്ത്രിവീടിനു മുന്നിൽ സഹനസമരം
സ്കൂൾ പാചകത്തൊഴിലാളി സംഘടന (എച്ച്.എം.എസ്.) ജില്ലാ കമ്മിറ്റിയുടെ നേതൃത്വത്തിൽ മന്ത്രി എ.കെ. ബാലന്റെ വീടിനുമുന്നിൽ നടത്തിയ സഹനസമരം
പാലക്കാട് : സ്കൂൾ പാചകത്തൊഴിലാളി സംഘടന (എച്ച്.എം.എസ്.) മന്ത്രി എ.കെ. ബാലന്റെ വീടിനുസമീപം നടത്തുന്ന സഹനസമരം തുടങ്ങി. സ്കൂൾ പാചകത്തൊഴിലാളികളുടെ 2017 മുതലുള്ള വേതന കുടിശ്ശിക ഉടൻ വിതരണംചെയ്യുക, ഒരു മാസത്തിൽ പത്ത് ദിവസത്തെ വേതനമെങ്കിലും അനുവദിക്കുക തുടങ്ങിയ ആവശ്യങ്ങളുന്നയിച്ചാണ് സമരം.
ജില്ലാ സെക്രട്ടറി തങ്കമണി ഉദ്ഘാടനംചെയ്തു. ജില്ലാ പ്രസിഡന്റ് സുമിത, കമ്മിറ്റിയംഗങ്ങളായ കലാധരൻ, വാസന്തി, അജിത തുടങ്ങിയവർ സംസാരിച്ചു
