മുണ്ടൂർ ‘സമത’യിൽ 2021 ഫെസ്റ്റ് തുടരുന്നു

മുണ്ടൂർ
ഓണം കേമമാക്കാൻ ഒരുങ്ങി മുണ്ടൂർ ഐആർടിസി ‘സമത’യിൽ ‘2021 ഫെസ്റ്റ്’. മാങ്കോസ്റ്റിൻ, ഡ്രാഗൺ ഫ്രൂട്ട്തൈകളും കൈത്തറിതുണികളും വാങ്ങി സമോവറിലെ ചായയും കുടിച്ച്‌ ഇവിടെനിന്ന്‌ മടങ്ങാം. ‘സമത’വില്ലേജിലെ ഒന്നര ഏക്കർ ക്യാമ്പസിൽ 50ലധികം ഇനം പ്ലാവിൻതൈകളുണ്ട്‌.
മാവിൻതൈ, നൂറിലേറെ ഇനം പേര, ചാമ്പ, റമ്പൂട്ടാൻ, മാങ്കോസ്റ്റിൻ, ഡ്രാഗൺ ഫ്രൂട്ട് തൈകൾ, 20-ലധികം ഇനം തെങ്ങിൻ തൈകൾ എന്നി തൈകൾ വിൽപ്പനയ്‌ക്കുണ്ട്‌. ഖാദി- കൈത്തറി തുണിത്തരങ്ങളും ലഭ്യമാണ്‌.
മുപ്പതിലധികം ഇനം അരി, പനമ്പ് -കയറുൽപ്പന്നങ്ങൾ, കരകൗശല വസ്തുക്കൾ എന്നിവയും വിൽപ്പനയ്‌ക്കുണ്ട്‌. മുൻ മന്ത്രി തോമസ് ഐസക്കാണ് ‘സമത’ ഫെസ്റ്റ് ഉദ്ഘാടനം ചെയ്തത്. 31ന്‌ സമാപിക്കും.