പൂർത്തിയാക്കാതെ കിടക്കുന്ന പാലത്തിൽ നാല് അപകടക്കെണികൾ

പൂർത്തിയാക്കാതെ കിടക്കുന്ന പാലത്തിൽ നാല് അപകടക്കെണികൾ 
കരിമ്പ:മഴയായാലും വെയിലായാലും ദേശീയ പാതയിൽ  കല്ലടിക്കോട് കനാൽ  പാലത്തിലൂടെ യാത്ര ചെയ്യുന്നവർ  സൂക്ഷിക്കണം. നാലു ഭാഗത്തും വമ്പൻ കിടങ്ങുകൾ കുഴിച്ചുവച്ച് കരാർ കമ്പനി ഇവിടെ ഉപേക്ഷിച്ചു പോയിട്ട് മാസങ്ങളായി.  ന​വീ​ക​ര​ണം പൂർത്തിയാക്കിയ  പല ഭാ​ഗത്തും കു​ഴി​ക​ൾ രൂപപ്പെട്ട് തുടങ്ങി.കല്ലടിക്കോട് ദാറുൽ അമാൻ സ്‌കൂളിനു മുമ്പിൽ നവീകരണം പൂർത്തിയായ റോഡിന്റെ മധ്യ ഭാഗത്തു തന്നെ പൊളിഞ്ഞു തുടങ്ങിയിട്ടുണ്ട്.ആഴ്ചകളായി തു​ട​രു​ന്ന മ​ഴ​യി​ൽ കു​ഴി​ക​ൾ പ​ല​തും വ​ലു​താ​യ​തോ​ടെ ഗ​താ​ഗ​തം ഏ​റെ ദു​ഷ്ക​ര​മാ​യി​രി​ക്കു​ക​യാ​ണ്.ഇ​രു​ച​ക്ര​വാ​ഹ​ന​ങ്ങ​ൾ റോ​ഡി​ൽ നി​ന്നി​റ​ങ്ങി ച​രി​യു​ന്ന​തും വീ​ഴു​ന്ന​തും പ​തി​വാ​യി​രി​ക്കു​ക​യാ​ണ്.​മുട്ടി​ക്കു​ള​ങ്ങ​ര,മു​ണ്ടൂ​ർ,വേ​ലി​ക്കാട്,കാ​ഞ്ഞി​ക്കുളം,ക​ല്ല​ടി​ക്കോ​ട്,ശി​രു​വാ​ണി തു​ട​ങ്ങി​യ ഭാ​ഗ​ങ്ങ​ളി​ലെല്ലാം റോ​ഡ് കൂ​ടു​ത​ൽ ത​കർന്ന് കിടപ്പാണ്.പണി പൂർത്തിയാകാതെ കിടക്കുന്ന സ്ഥലത്തെ വീ​തി​ക്കു​റ​വു​കാ​ര​ണം രാത്രി കാലങ്ങളിൽ  വാ​ഹ​നങ്ങൾ അപകടത്തിൽ പെടുന്നതും പതിവാണ്.പാ​ല​ങ്ങ​ളു​ടെ നി​ർ​മാ​ണ​വും വ​ള​വു​നി​ക​ത്ത​ലുമെല്ലാം  പാതി വഴിയിൽ ഉപേക്ഷിച്ച  മട്ടാണ്.  കല്ലടിക്കോട് കനാൽ ഭാഗത്ത് പാലം പണി  അടിയന്തിരമായി  പൂർത്തിയാക്കാനും,അതോടൊപ്പം നടപാതകൾ  സഞ്ചാരയോഗ്യമാക്കിയും അഴുക്ക്ചാൽ നിർമിച്ചും അപകടങ്ങള്‍ ഇല്ലാതാക്കാനും, ബന്ധപ്പെട്ടവര്‍ വേഗത്തിൽ  നടപടികള്‍ സീകരിക്കണമെന്ന് വിവിധ രാഷ്ട്രീയ പാർട്ടി പ്രതിനിധികളായ പി.ശിവദാസൻ, കെ.കെ ചന്ദ്രൻ , യൂസഫ് പാലക്കൽ എന്നിവർ പ്രതികരിച്ചു.
നാലു ഭാഗത്തും കിടങ്ങുകൾ കുഴിച്ചുവച്ച് കരാർ കമ്പനി നിർമാണ പ്രവൃത്തികൾ  ഉപേക്ഷിച്ചു പോയ കല്ലടിക്കോട് ദീപ സെന്ററിലെ കനാൽപാലം