ജില്ലാതല ശാസ്ത്ര ക്വിസ്സിൽ മികവു തെളിയിച്ച് അഗളി സ്കൂൾ

പൊതുവിദ്യാഭ്യാസ വകുപ്പും
സമഗ്ര ശിക്ഷാ കേരളവും സംയുക്തമായി സംഘടിപ്പിച്ച രാഷ്ട്രീയ ആവിഷ്കാർ അഭിയാൻ ജില്ലാതല ശാസ്ത്ര ക്വിസ്സിൽ രണ്ടാം സ്ഥാനം നേടി
അഗളി ഹൈസ്കൂൾ വിദ്യാർഥിനി മിൻഹ ഫാത്തിമ. അഗളി ഹൈസ്കൂളിൽ ആറാം ക്ലാസ് വിദ്യാർഥിനിയാണ് മിൻഹ. ബി ആർ സി തലത്തിൽ നിന്ന് മികവു തെളിയിച്ച ഓരോ വിഭാഗങ്ങളിലെയും ഓരോ കുട്ടികളാണ് ജില്ലാതലത്തിൽ പങ്കെടുത്തത്. പറളി ബിആർസി യിൽ വച്ച് നടന്ന പരിപാടി എസ് എസ് കെ പാലക്കാട് ജില്ലാ പ്രോജക്ട് കോഡിനേറ്റർ നൗഷാദ് അലി എം കെ ഉദ്ഘാടനം ചെയ്തു. അഗളിയിൽ താമസിക്കുന്ന ബഷീർ – റുബിയ ദമ്പതികളുടെ മകളാണ് മിൻഹ ഫാത്തിമ.