വനിതാ ദിനം:നാഷണൽ വിമൻസ് ഫ്രണ്ട് കൊപ്പം ടൗണിൽ അവകാശ സംരക്ഷണ റാലിയും പൊതു സമ്മേളനവും സംഘടിപ്പിക്കും
കൊപ്പം ( പാലക്കാട് ) : സ്ത്രീ സുരക്ഷ കേവല മുദ്രാവാക്യമല്ല; അന്തസ്സും അഭിമാനവുമാണ് എന്ന ശീര്ഷകത്തില് അന്താരാഷ്ട്ര വനിതാ ദിനമായ മാര്ച്ച് 8 ചൊവ്വാഴ്ച വൈകുന്നേരം 4.30 ന് കൊപ്പം ടൗണിൽ നാഷണല് വിമന്സ് ഫ്രണ്ട് പാലക്കാട്ജില്ലാ കമ്മിറ്റി അവകാശ സംരക്ഷണ റാലിയും പൊതു സമ്മേളനവും സങ്കടിപ്പിക്കും.
സ്ത്രീ സുരക്ഷ വാക്കുകളില് മാത്രം ഒതുങ്ങുകയും ഭരണഘടന ഉറപ്പ് നല്കുന്ന അവകാശങ്ങള് പോലും നിഷേധിച്ചു കൊണ്ടിരിക്കുകയും ചെയ്യുന്ന സാഹചര്യമാണ് രാജ്യത്ത് നിലവിലുള്ളത്.
സാംസ്കാരികവും വിശ്വാസപരവുമായ സ്വത്വം ഉയര്ത്തിപ്പിടിക്കാനുള്ള വ്യക്തി സ്വാതന്ത്ര്യം പോലും ചോദ്യം ചെയ്യപ്പെടുന്നു. ഇത് അന്തസ്സോടെ ജീവിക്കാനുള്ള പൗരാവകാശത്തിന്മേലുള്ള കടന്നാക്രമണമാണ്. ഇതിനെതിരേ സ്ത്രീ സമൂഹം കൂടുതല് ജാഗ്രത പുലര്ത്തേണ്ടത്തുണ്ട്. ഈ സന്ദേശം ഉയര്ത്തിപ്പിടിച്ചാണ് അവകാശ സംരക്ഷണ റാലിയും പൊതു സമ്മേളനവും നടത്തുന്നതെന്ന് ജില്ലാ സെക്രട്ടറി റംസീന സിദ്ദിഖ് വാർത്താക്കുറിപ്പിൽ അറിയിച്ചു.
ഇന്ത്യയിലെ സ്ത്രീകള് നേരിടുന്ന ശാരീരികവും വൈകാരികവും ലൈംഗീകവുമായ അരക്ഷിതാവസ്ഥക്കും അധിക്ഷേപങ്ങള്ക്കും എതിരായ പ്രവര്ത്തനങ്ങള്ക്ക് ഊന്നല് നല്കാനാണ് വിമൻസ് ഫ്രണ്ട് ശ്രദ്ധിക്കുന്നതെന്നും അവർ പറഞ്ഞു.
റാലി കൊപ്പം ഗവണ്മെന്റ് ഹോസ്പിറ്റൽ പരിസരത്ത് നിന്നും ആരംഭിച്ചു ടൗണിൽ സമാപിക്കും.
സമാപന പൊതു സമ്മേളനം എൻ ഡബ്ലിയു എഫ് സംസ്ഥാന സെക്രട്ടറി മുംതാസ് കെ എ ഉദ്ഘാടനം ചെയ്യും. എൻ ഡബ്ലിയു എഫ് പാലക്കാട് ജില്ലാ പ്രസിഡന്റ്
ബുഷ്റ മുഹമ്മദ് അധ്യക്ഷയായിരിക്കും. കൊപ്പം ഗ്രാമ പഞ്ചായത്ത് വൈസ് പ്രസിഡന്റ് പുണ്യ സതീഷ്,
എൻ ഡബ്ലിയു എഫ് സോണൽ ഇൻചാർജ് ഷെമീന എറണാംകുളം ഡോ.റഷീദ ബീഗം
(മെഡിക്കൽ ഡെയേറെക്ടർ, മെഡിസിന യുനാനീ വെൽനെസ്സ് സെന്റർ ), വിമൻ ഇന്ത്യ മൂവ്മെന്റ് ജില്ലാ പ്രസിഡന്റ് അഷിത നജീബ്, കാം പസ് ഫ്രണ്ട് പാലക്കാട് ജില്ലാ കമ്മിറ്റിയoഗം നാജിയ നസ്രിൻ, റെസ്മിയ ഫിദ (അസിസ്റ്റന്റ് പ്രഫസ്സർ, JDT കോഴിക്കോട്) തുടങ്ങിയവർ പങ്കെടുത്ത് സംസാരിക്കും.
റംസീന സിദ്ദിഖ്
ജില്ലാ സെക്രട്ടറി
നാഷണൽ വിമൻസ് ഫ്രണ്ട് – പാലക്കാട്