പാലക്കാട് – കുളപ്പുള്ളി പാതയിൽ ലോറിയിലും പിക്കപ്പ് വാനിലും കടത്തിയ 70 ലക്ഷത്തോളം രൂപയുടെ നിരോധിത പുകയില ഉൽപന്നങ്ങൾ പിടികൂടി.
പൊലീസിനെ കണ്ടതോടെ വാഹനങ്ങളിലെ ഡ്രൈവർമാർ ഓടിരക്ഷപ്പെട്ടതായി പൊലീസ് പറഞ്ഞു. എങ്കിലും ബീഹാർ സ്വദേശിയെ പിടികൂടാനായി. തുടർന്ന് നടന്ന പരിശോധനയിലാണ് 202 ചാക്കുകളിൽ നിറച്ച നിലയിൽ 1.40 ലക്ഷം പാക്കറ്റുകളിലായി ഹാൻസ് ഉൾപ്പെടെയുള്ള പുകയില ഉൽപന്നങ്ങൾ കണ്ടെത്തിയത്.
വാഹനത്തിലുണ്ടായിരുന്ന ബിഹാർ സ്വദേശി വിജയ് ചൗധരിയെ (36) ഒറ്റപ്പാലം പൊലീസ് കസ്റ്റഡിയിലെടുത്തു. ചൊവ്വാഴ്ച രാവിലെ അഞ്ചോടെ ചിനക്കത്തൂർകാവ് പരിസരത്ത് നടത്തിയ പരിശോധക്കിടെയാണ് സംഭവം. ഒറ്റപ്പാലം സി.ഐ എം. സുജിത്തിന് ലഭിച്ച രഹസ്യ വിവരത്തിന്റെ അടിസ്ഥാനത്തിലായിരുന്നു പരിശോധന.
