കഞ്ചിക്കോട് ദേശീയപാതയിൽ സാഹസിക യാത്ര നടത്തിയ യുവാക്കളെ പിടികൂടി പൊലീസ്. കോയമ്പത്തൂർ സ്വദേശികളായ യുവാക്കളെ പാലക്കാട് കസബ പൊലീസ് പിടികൂടി. കഴിഞ്ഞ ദിവസം കഞ്ചിക്കോടായിരുന്നു യുവാക്കളുടെ അഭ്യാസപ്രകടനം
പുലർച്ചെ ഒരു മണിയോടെ തമിഴ്നാട് രജിസ്ട്രേഷനിലുള്ള കാറിൽ എത്തിയ യുവാക്കൾ കാറിന്റെ ഡോറിൽ കയറിയിരുന്ന് യാത്ര നടത്തുകയായിരുന്നു. ദൃശ്യങ്ങൾ സഹിതമുള്ള വാർത്തയ്ക്ക് പിന്നാലെയാണ് പൊലീസ് നടപടി. യുവാക്കൾ സാഹസിക യാത്ര നടത്തിയ കാർ പൊലീസ് പിടിച്ചെടുത്തു. വാഹനമോടിച്ചിരുന്ന ഡ്രൈവറുടെ ലൈസൻസ് റദ്ദ് ചെയ്യും. ഡോറിൽ കയറിയിരുന്ന് യാത്ര ചെയ്തവർക്കെതിരെയും കേസെടുക്കും.
