കല്ലടിക്കോട് കാഞ്ഞിക്കുളത്ത് പെട്രോള്‍ പമ്ബ് ജീവനക്കാരനുനേരെ ആക്രമണം. കാഞ്ഞിക്കുളത്തുള്ള പെട്രോള്‍ പമ്ബില്‍ ഇന്നലെ ഉച്ചയ്ക്ക് രണ്ടരയോടെയാണ് സംഭവം.
പെട്രോള്‍ പമ്ബിലെ ജീവനക്കാരനായ കാഞ്ഞിക്കുളം സ്വദേശി സുനീഷിനാണ് മര്‍ദ്ദനമേറ്റത്. ഇന്ധനം നിറയ്ക്കാനെത്തിയ പ്രദേശവാസി ഷാജി ജോസിനെതിരെയാണ് പരാതി. സംഭവത്തില്‍ ഷാജി ജോസഫിനെതിരെ പൊലീസ് കേസെടുത്തു.
പെട്രോള്‍ അടിയ്ക്കുന്നതിന് നല്‍കിയ മുഴുവൻ തുയകയ്ക്കും പെട്രോള്‍ അടിച്ചില്ലെന്നാരോപിച്ചായിരുന്നു മര്‍ദനം. . തടയാനെത്തിയ മറ്റു പമ്ബ് ജീവനക്കാരെയും ഇയാള്‍ മര്‍ദിച്ചു.
