പാലക്കാടൻ ഗരിമ’ പുരസ്കാരം നൽകി കേരളപ്പിറവി ദിനം ആഘോഷിച്ചു:
പാലക്കാട്:കേരളപ്പിറവിദിനം ജെസിഐ പാലക്കാട് സമുചിതമായി ആചരിച്ചു. സാംസ്ക്കാരിക നേതാവും ഒ.വി വിജയൻ സ്മാരക സമിതി ഡയറക്ടറുമായ ടി ആർ അജയന് ‘പാലക്കാടൻ ഗരിമ’ പുരസ്കാരം നൽകി ആദരിച്ചു. ജെസിഐ മുൻ ദേശീയ പ്രസിഡണ്ട് ആയിരുന്ന സന്തോഷ് കുമാർ പുരസ്കാരം നൽകി. നിയുക്ത പ്രസിഡന്റ് അജയ് ശേഖർ നിയുക്ത സെക്രട്ടറി സറീന ഹനീഫ,നിയുക്ത വൈസ് പ്രസിഡണ്ടുമാരായ സിജി, സമീറ എന്നിവർ ചേർന്ന് അദ്ദേഹത്തിന്റെ വസതിയിൽ വച്ചാണ് പരിപാടി സംഘടിപ്പിച്ചത്.
കേരളപ്പിറവി ദിനത്തോടനുബന്ധിച്ച് ജെസിഐ പാലക്കാട് അംഗങ്ങൾക്കുള്ള മലയാളി മങ്ക കേരള ശ്രീമാൻ മത്സരങ്ങളും ഓൺലൈനിൽ നടത്തുകയുണ്ടായി.
