പാലക്കാട്:
അർഹരായ എഴുത്തുകാരെ കണ്ടെത്തി ആദരിക്കുക എന്ന ലക്ഷ്യത്തോടെ പ്രവർത്തിക്കുന്ന പാലക്കാട് സാഹിത്യപരിഷത്തിന്റെ പ്രഥമപുരസ്കാരത്തിന് നോവലിസ്റ്റ് ജോർജ്ദാസ് അർഹനായി.
ജോർദാസിന്റെ ‘യാദാസ്ത്’ എന്ന നോവലിനാണ് പുരസ്കാരം .കഴിഞ്ഞ പത്തുവർഷത്തിനിടയിൽ പുറത്തിറങ്ങിയ കൃതികളിൽ പാലക്കാടിന്റെ ചരിത്രാഖ്യായികയായി മാറിയ പുസ്തകമാണ് “യാ താദാസ്ത് ” മിത്തും ഫോക്ലോറും ചരിത്രവും ഇഴചേരുന്ന അപൂർവ്വ ചാരുത ഈ കൃതിയെ വേറിട്ടു നിർത്തുന്നു എന്ന് പാലക്കാട് സാഹിത്യപരിഷത്ത് വിലയിരുത്തുന്നു.
25,001 രൂപ ക്യാഷ് പ്രൈസും, ഫലകവും, സാക്ഷ്യപത്രവും ഉൾപ്പെടുന്ന പുരസ്കാരം 21-ശനിയാഴ്ച ഉച്ചയ്ക്കുശേഷം 2.30 ന് പാലക്കാട് ഹോട്ടൽ ഗസാലയിൽ നടത്തുന്ന സാംസ്കാരിക സമ്മേളനത്തിൽ നൽകുന്നതാണെന്ന് പാലക്കാട് സാഹിത്യപരിഷത്ത് ചെയർപേഴ്സൺ ഡോ. പാർവ്വതി വാര്യർ അറിയിച്ചു.
