മണ്ണൂർ : മണ്ണൂർ പഞ്ചായത്ത് നാലാം വാർഡ് മെമ്പർ ഷഫീന നജീബിന് ലഭിക്കുന്ന ഓണറേറിയം ജീവകാരുണ്യപ്രവർത്തനങ്ങൾക്ക് വിനിയോഗിക്കുന്നു. ഇതിന്റെ ഭാഗമായി വാർഡിൽ നിലവിൽ കോവിഡ് ബാധിതർക്കുള്ള ഫലവ്യഞ്ജന കിറ്റ്, പച്ചക്കറി കിറ്റ് നൽകുന്നതിന്റെ ഉദ്ഘാടനം ബ്ലോക്ക് പഞ്ചായത്ത് മെമ്പർ സി. കെ രജനി നിർവഹിച്ചു. വാർഡ് മെമ്പർ ഷഫീന നജീബ് അധ്യക്ഷതവഹിച്ചു.
നിലവിൽ വാർഡിൽ മരുന്നുകളും മറ്റ് അവശ്യ സാധനങ്ങളും മെമ്പറുടെ നേതൃത്വത്തിൽ എത്തിച്ചുകൊടുത്തു വരുന്നുണ്ട്. നിലവിൽ വാർഡിൽ 4 വീടുകളാണ് കോവിഡ് രോഗികൾ ഉള്ളത്.ഒരു വീട് നിരീക്ഷണത്തിലും. കൂടാതെ കണ്ണിന് കാഴ്ചയില്ലാത്ത അറിയാത്ത വീട്ടിൽ മോഹനന് നടക്കാൻ ഹാൻഡ് വാക്കറും മെമ്പർ ഷഫീന വാങ്ങിനൽകി.
