ഹാഥറസ് കൊലപാതകം: പ്രതിഷേധാഗ്നിയായി വെൽഫെയർ പാർട്ടി സംഗമങ്ങൾ
പാലക്കാട്: ഹാഥറസിലെ ദലിത് പെൺകുട്ടിയെ സംഘ്പരിവാർ ഗുണ്ടകൾ ക്രൂരമായി ബലാത്സംഗം ചെയ്ത് കൊലപ്പെടുത്തി പെട്രോൾ ഒഴിച്ച് കത്തിച്ചതിൽ പ്രതിഷേധിച്ച് വെൽഫെയർ പാർട്ടി ജില്ലയിൽ 200 ഓളം കേന്ദ്രങ്ങളിൽ പ്രതിഷേധ സംഗമങ്ങൾ സംഘടിപ്പിച്ചു. പറളിയിൽ നടന്ന പ്രതിഷേധ സംഗമം ജില്ല ആക്ടിങ് പ്രസിഡൻറ് പി.മോഹൻദാസ് ഉദ്ഘാടനം ചെയ്തു. ദലിത്, ന്യൂനപക്ഷ വേട്ട നടത്തുന്ന സംഘ്പരിവാറിൻ്റെ വിദ്വേഷ രാഷ്ട്രീയത്തിനെതിരെ രാജ്യത്തെ മതേതര മുന്നണികൾ ഒറ്റക്കെട്ടായി പോരാട്ടം നടത്തണമെന്ന് അദ്ദേഹം ആഹ്വാനം ചെയ്തു.
ജില്ലയിലെ വിവിധ കേന്ദ്രങ്ങളിലായി നടന്ന സംഗമങ്ങൾക്ക് ജില്ല – മണ്ഡലം നേതാക്കൾ നേതൃത്വം നൽകി.
ഫോട്ടോ: പറളിയിലെ പ്രതിഷേധ സംഗമം ജില്ല ആക്ടിങ് പ്രസിഡൻ്റ് പി.മോഹൻദാസ് ഉദ്ഘാടനം ചെയ്യുന്നു.
