തേങ്കുറിശ്ശി അനീഷിന്റെ ദുരഭിമാന കൊലയിൽ പ്രതിഷേധിച്ചുകൊണ്ട് വിവിധ സാമൂഹ്യ സാംസ്കാരിക സംഘടനകളുടെയും പൊതു പ്രവർത്തകരുടെയും നേതൃത്വത്തിൽ ബഹുജന കൂട്ടായ്മയും ജാതിനശീകരണ സന്ദേശയാത്രയും സംഘടിപ്പിച്ചു.
വിദ്യാഭ്യാസ പ്രവർത്തകൻ കെ. ശിവരാമൻ പട്ടഞ്ചേരിയുടെ അധ്യക്ഷതയിൽ ചേർന്ന കൂട്ടായ്മ സിന്തസൈസേഴ്സ് &എഡ്യൂക്കേഷണൽ ട്രസ്റ്റ് ചെയർമാൻ വിജയശേഖരൻ മാസ്റ്റർ കുട്ടായ്മ ഉദ്ഘാടനം ചെയ്തു. തുടർന്ന് അദ്ദേഹം മെഴുകുതിരി കത്തിച്ച് ജാതി നശീകരണ പ്രതിജ്ഞ ചൊല്ലി കൊടുത്തു. തുടർന്ന് ഹരി അരുമ്പിൽ (അംബേദ്കർ പഠനകേന്ദ്രം ) കെ. പി. ശബരി ഗിരീഷ് (കേരള യുക്തിവാദി സംഘം ) മുഹമ്മദ് മുസ (ശാസ്ത്ര സാഹിത്യ പരിഷത്ത് ) ഉണ്ണികൃഷ്ണൻ കളമുള്ളതിൽ (പുരോഗമന കലാ സാഹിത്യ സംഘം ) ഡോ. ജയൻ സി കുത്തനൂർ (നാഷണൽ ഡ്രാവിഡ സൊസൈറ്റി ) എ. എം ഷിബു ,ലത മോഹനൻ,ലില്ലി കർത്താ അബൂബക്കർ സിദ്ധീഖ്, ജെയ്സൺ ആലത്തൂർ, പി. പ്രദോഷ് തുടങ്ങിയവർ സംസാരിച്ചു.