പാലക്കാട്:അമൃതകുംഭത്തിൽ കൈയ്യിട്ട് നക്കുന്നവരാണ് പാലക്കാട് നഗരസഭ ഭരിക്കുന്നവരെന്ന് സി.പി.എം.സംസ്ഥാന കമ്മിറ്റി അംഗം എൻ.എൻ.കൃഷ്ണദാസ്’ നിർമ്മാണ പ്രവൃത്തികൾ അനന്തമായി നീട്ടികൊണ്ട് പോവുന്നത് തട്ടിപ്പും വെട്ടിപ്പും നടത്താനെന്നും ക്യഷ്ണദാസ്’ കുടിവെള്ളമില്ലായ്മക്കും റോഡിൻ്റെ ശോചനീയാവസ്ഥക്കുമെതിരെ സി.പി.എം. നഗരസഭയിലേക്ക് നടത്തിയ മാർച്ച് ഉദ്ഘാടനം ചെയ്ത് സംസാരിക്കുകയായിരുന്നു കൃഷ്ണദാസ്’ കേരളത്തിലെവിടെയുമില്ലാത്ത ദുർഭരണമാണ് പാലക്കാട് നഗരസഭയിൽ നടക്കുന്നത് ‘ ഒരോ പദ്ധതിയിലും എത്ര കമ്മീഷൻ അടിച്ചുമാറ്റാമെന്ന ചിന്തയാണ് നഗരസഭ ഭരണത്തെ നയിക്കുന്നത് ‘ സുലഭമായി കുടിവെള്ളം കിട്ടിയ സ്ഥാനത്ത് വെള്ളം റേഷൻ പോലെയായി. പൊളിച്ചിട്ട റോഡുകൾ നന്നാക്കാത്തതുകൊണ്ട് ഓട്ടോറിക്ഷകൾ പോലും വരാത്ത സ്ഥിതിയായി. അമൃത് പദ്ധതിയിലെ റോഡ് നവീകരണവും കുടിവെള്ള പദ്ധതിയും കമ്മീഷൻ അടിച്ചുമാറ്റാനുള്ള പദ്ധതികളാക്കി. മുൻസിപ്പൽ ബസ്സ്റ്റാൻഡ് നിർമ്മാണം നടക്കാത്തതിന് പിന്നിലും കമ്മീഷൻ തർക്കമാണ് ‘ ടൗൺ ഹാൾ നിർമ്മാണത്തിലും പകൽ കൊളളയാണ് നടകുന്നത് ‘ കാലതാമസം കൂടാതെ പദ്ധതികൾ നടപ്പിലാക്കിയില്ലെങ്കിൽ നഗരസഭ ഭരിക്കുന്നവരെ എങ്ങനെ കൈകാര്യം ചെയ്യണമെന്ന് ജനങ്ങൾ തീരുമാനിക്കുമെന്നും കൃഷ്ണദാസ് പറഞ്ഞു ‘ ഏരിയ സെക്രട്ടറി കൃഷ്ണൻകുട്ടി അധ്യക്ഷത വഹിച്ചു’ അജിത്ത് സഖറിയ, സുരേഷ് എന്നിവർ സംസാരിച്ചു